RUMA 4:14 - BOWOT BOHUA

¹⁴ Kotului amat baya ulun-ulun ijo bokehtep umba hukum-hukum agama Yahudi bewe, ijo ahkan norima inon, ijo tonobowotoh bain Pohotala, mahka porocaya umba Pohotala earo gunai samasino, tutang bowot Pohotala ka ngahus bewe.

RUMA 4:14 ပူးပေါင်းရင်းမြစ်များ

RUMA 3:31

Kuwohrih tuh rimai, ijo tului ihto porocaya umba Yesus Kristus, turus ihto dian hukum agama ulun Yahudi? Samasino eam kodorih! Malah justru koporocayan ihto orih, ihto moregaoh hukum rih.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

1 KORINTUS 1:13

Kuwohrih Kristus tuh tobagi-bagi? Paulus eam mahtoi tonyalib ahkan'kam! Ihkam ka eam tonopondus ahkan monjadi murid-murid Paulus, kuwoh?

GALATIA 2:21

Ahku eam nawah pononganasi Pohotala. Amat kohihcon ulun umba Pohotala monjadi pios hoduli, kotului molalus hukum agama rih, rimai popahtoi Kristus eam anai gunaioh!

GALATIA 5:4

Amat ihkam ngurahjalan hokopios umba Pohotala, nguha hukum agama orih rimai kohihco'kam umba Kristus jari pahtot. Honong kodorih ihkam bolum ang ruar barih tonganasin Pohotala.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.

IBRANI 7:28

Hukum agama Yahudi, potuot ulun ijo eam soporuna monjadi imam hajo. Tahpi pongohino tahkan aturan rih, Pohotala napa bowot honong tulut, ijo Io potuot kolou Imam Hajo, Anak ijo ius monjadi Ponyolamat ijo soporuna ahkan turus-jahamoh.