RUMA 3:30 - BOWOT BOHUA

³⁰ Tului Pohotala tihkas Ihco. Io ijo nonga jalan ahkan ulun-ulun Yahudi hokohinut hoduli umba Pohotala, tului iro porocaya. Tutang Iorih hino nongajalan ulun-ulun uhtus bohkon ka tou hokohinut hoduli umba Pohotala. Orih ka'a tului iro porocaya.

RUMA 3:30 ပူးပေါင်းရင်းမြစ်များ

RUMA 2:26

Amat ihcobehti bohkon ulun Yahudi ijo eam tonyunat numbun hukum agama Yahudi, eamkah Pohotala jari ngohu kolou ulun rih ijo jari tonyunat?

RUMA 2:27

Tutang ulun-ulun ijo eam tonyunat rih ahkan nosalan Konduang ulun Yahudi, tului Konduang anaingina hukum agama Yahudi, tutang Konduang tonyunat, tahpi Konduang molanggar hukum orih. Iro eam tonyunat, tahpi puna iro rih ijo tehentu'u umba hukum agama Yahudi.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:28

Kotului koputusaioh koloutuh: Ulun bokorinah jari hokohinut hoduli umba Pohotala, eam tului Io nguan inon ijo tomihtik a'ang hukum agama Yahudi, molekan tului Io porocaya umba Yesus Kristus.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

RUMA 4:9

Inon tuhtui kosanang tuh tonihtu tihkas ahkan ulun ijo numbun poroturan sunat bewe? Ata'aioh ka'a ahkan ulun-ulun ijo eam numbun poroturan sunat? Jari ihkai ngohawotoh hounmbaoh, ijo Abraham tonorima bain Pohotala monjadi ulun ijo ngojorih ahtoi-Oh, tului Abraham porocaya umba Pohotala.

GALATIA 3:20

Nah, harus anai duo pihak, punai porulu ihcobehti poholat. Tahpi Pohotala eam porulu poholat, tului Io bongoi ijo ngatuhoh.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

GALATIA 3:8

Surat Borasih jari nohto labih soun, ijo Pohotala mongonduon ulun-ulun bohkon Yahudi, hokopios hoduli umba Pohotala, amat iro porocaya umba Io. Kabar Hinut rih tonyorihta labih houn ahkan Abraham ang bowotoh tuh, ‘‘Nguha ihko, Pohotala ahkan mborehkat paring ukup kolunon, ang isun tana.’’

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

GALATIA 6:15

Tonosunat ata'ai eam tonosunat, orih eam boguna. Ijo boguna io rih monjadi ulun bohua.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

1 TIMOTEUS 2:5

Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.