RUMA 3:27 - BOWOT BOHUA

²⁷ Bain kotului orih eam anai hino alasan, bagi ihto ahkan tama-tamam. Ombai kodorih? Inonrih, kotului ihto nguan ijo tomihtik a'ang hukum agama Yahudi? Eam. Tahpi tului ihto porocaya.

RUMA 3:27 ပူးပေါင်းရင်းမြစ်များ

MARKUS 16:16

Ulun ijo eam porocaya ahkan tonohukum, tahpi ulun ijo porocaya tutang tonopondus ahkan solamat.

YOHANES 3:36

Ulun ijo porocaya ahkan Anak rih ahkan monorima pombolum ijo sojahti tutang kototahiu. Tahpi ulun ijo eam te'et ahkan Anak rih eam ahkan duon pombolum. Io tomohukum Pohotala nyiring kototahiuoh.

RUMA 10:5

Museh nyurat ijo ulun, ijo hokopios umba Pohotala hogalangoh hukum agama, ulun rih ahkan bolum, tului bokehtep ahkan hukum agama rih.

RUMA 11:6

Io ngopili iro hogalang Pononganasi-Oh, tutang bohkon hogalangoh ang gawiuo. Tului amat kopili Pohotala rih hogalangoh gawin ulun, mahka pononganasi Pohotala rih eam hino pononganasi ijo sojahti.

RUMA 2:17

Tahpi huntuh koloukuwoh umba Konduang-konduang bongon? Konduang ngahku arop ulun Yahudi. Konduang ngahtung arop umba hukum agama Yahudi tutang Konduang tamam tului kohihco Konduang umba Pohotala.

RUMA 2:23

Konduang monamam-namam, ijo Konduang nambit hukum Museh, podahar Konduang mohina Pohotala hawui eam numbun hukum-Oh.

RUMA 3:19

Huntuh ihto kota'an ijo paring ijo ius tonyurat luwang hukum agama Yahudi, anairih ahkan ulun-ulun ijo anai ang pinda hukum rih. Honong kodorih eam ihcobehti ka duon nonga alasan ino-inon hino, tutang paring kolunon duon tomokara bain Pohotala.

RUMA 3:26

Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

RUMA 4:2

Amat hal-hal ijo konuaioh kotuluioh orih Pohotala norima Io monjadi ulun ijo ngojorihoh ahtoi Pohotala, mahka anai ka'a alasan ahkaioh ahkan tama-tamam umba aropoh. Tahpi Io eam duon botamam ang toharep Pohotala.

RUMA 7:21

Jadi ahku ngomin kobulatoh, ijo hukum tuhrih ijo nambit paranan; yorih ijo amat ahku jolik nguan ijo pios, mahka tihkas ijo ja'at bewe ijo lombut aang ahku.

RUMA 7:23

tahpi ahku sadar ijo luwang behtik'ku anai hino hukum bohkon ijo nambit paranan – io rih hukum, ijo hokolawan umba hukum ijo konolik'ku bain akal dasar aik'ku. Orih kotuluioh ahku tojorat aang hukum dusa ijo nambit paranan ang luwang arop'ku.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

RUMA 9:11

Sounumba duo behti anak rih konanak, Pohotala jari nuhkas pitih-Oh ahkan hototurusoh. Pitih Pohotala rih eam bogatung umba inon ijo duon konuan bain ulun, tahpi bogatung umba pona'ah Pohotala bongoi. Tului aang ohkot koduo anak bahkas Rabeka rih jaham duon nguan aang'co ijo pios ata'ai ijo ja'at.

RUMA 9:31

Tobalikoh ulun-ulun Yahudi, toturus bousaha bokehtep umba hukum, mangat kohihcon iro umba Pohotala monjadi pios huli. Tahpi iro mahi-mahi eam aro bohasir?

RUMA 9:32

Ombai iro eam aro bohasir? Kotului iro nguanoh rih eam nguha koporocaya umba Pohotala, molekan nguha usaha iro bongoi. Mahka iro ngonyatu tosahap aang ‘‘Bahtu Ponoturung.’’

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

GALATIA 2:16

Oluka kodorih ihkai ta'an, ijo ulun hokopios hoduli umba Pohotala, baya tului porocaya umba Yesus Kristus tutang eam tului molalus hadat agama. Ihkai bongon ka, porocaya umba Yesus Kristus, mangat ihkai hokopios umba Pohotala nguha koporocayan 'kai rih, eam kotului ihkai molalus hadat agama. Tului umba molalus hukum agama, eam ihcobehti ka duon hokopios hoduli umba Pohotala.

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.