RUMA 3:25 - BOWOT BOHUA

²⁵ Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 3:25 ပူးပေါင်းရင်းမြစ်များ

YOHANES 6:47

Kota'anrih: Ulun ijo porocaya, ahkan tepun pombolum ijo sojahti tutang kototahiu.

KESAH RASUL-RASUL 14:16

Aang wayah ijo nokalou Pohotala mohonou uhtus-uhtus ulun, ijo bolum numbun konohuang iro bongon-bongon.

KESAH RASUL-RASUL 15:18

ijo jari mborihta ang rih pahtukoh lomoi.’’

KESAH RASUL-RASUL 17:30

Wayah kobureng ihto rih jari nolingou bain Pohotala, tahpi huntuh Io nyuhu paring ulun ang hopus kolunon hubah tahkan dusa-dusan iro.

KESAH RASUL-RASUL 2:23

Hosorurui umba rancana-Oh bongoi, Pohotala nuhkas ahkan nyorahoh Yesus ahkan'kam. Tutang kotihka Io tonyarahoh, ihkam munu Io honong mohonou ulun-ulun ja'at mahpak Io.

KESAH RASUL-RASUL 3:18

Tutang tului orihrih nyolung ka'a inon ijo jari nuhtui bain Pohotala soun lomoi hopatau nabi-nabi-Oh ijo Lahca Ponyolamat ijo tonobowot rih harus ngarot.

KESAH RASUL-RASUL 4:28

Iro hihco ahkan nguan kokaro aang'co, ijo Ihko jari nyodiaoh labih houn, jarih ahkan nyolung. Tutang Ihko nahtap orih isun kowasa tutang kokani-Mu bongom.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

RUMA 3:26

Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 5:11

Tutang molowi tahkanumba rih, ihto hokojorih ka'a ngosan kohinut Pohotala nguha Tuhan ihto Yesus Kristus. Tului nguha Yesus Kristus, ihto huntuh nginyam kohihco ijo morong rih honong Pohotala.

RUMA 5:18

Jadi, koloukuwoh kototurung ihco behti ngonjorian sohapus ukup kolunon tonohukum; kodorih ka'a gawin ihco behti ijo nuhtut kohondak Pohotala, mongonjorian paring ulun konoliwus tahkan kosala'an, tutang tononga pombolum.

RUMA 5:9

Huntuh ihto jari hokopios hoduli umba Pohotala, nguha popahtoi Yesus Kristus; kotului rih musti ihto ahkan duon tonyolamat ka'a tahkan kosangit Pohotala, bain Kristus.

1 KORINTUS 5:7

Dian houn ragi ijo usang rih, iorih ragi dusa, mangat ihkam monjadi kolou golahpung ijo bohua, borasih tahkan ragi dusa ijo usang, tutang ahku kota'an ijo ihkam puna kodorih. Kobain, pesta Paska ihto jari sodia, tului Kristus ijo monjadi kolou tobiri Paska ihto, jari tomorahpah.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 2:13

Tahpi huntuh, kotului ihkam jari hihco umba Kristus Yesus, ihkam ijo lomoi mahcu, jari nokondoni bain popahtoi Kristus.

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

IBRANI 10:4

bain puna dahan sahpi tutang dahan kambing dalungoh rih eam duon muhi dusa.

IBRANI 11:14

Ulun ijo nuhtui kolourih nunjuk honong jelas, ijo iro rahat ngurah lowu, ijo monjadi ahkan tanadanum'ndo.

IBRANI 11:17

Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

IBRANI 9:5

Ang ngosan tuhtup Pohti rih anai duo Kerub, yorih angbolum boilat ijo ngambar kolombut Pohotala. Ilat tahkan koduo aangbolum rih kolouna'ang ang ngosan tuhtup Pohti, yorih unuk pongapun dusa. Tahpi paringoh rih eam dahpot tonarangrih huntuh socara mihco-mihco.

1 YOHANES 1:10

Tahpi amat ihto nuhtui ijo ihto eam bodusa, ihto ngohu soahkan-ahkan Pohotala bobalik tutang ihto eam anai auh Pohotala ang ahtoi ihto.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 20:15

Ulun-ulun ijo eam tosurat araioh ang luwang Surat Ulun Bolum, io ndian nokuh luwang tasik baho rih.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.