RUMA 3:22 - BOWOT BOHUA

²² Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:22 ပူးပေါင်းရင်းမြစ်များ

LUKAS 15:22

Tahpi amaioh na'ah pohalu-pohaluoh tutang nuhtui, ‘Jeleng! Ngomin hatiu ijo paling pios, tutang nokehpanohrih ang io. Posolong tisim ang ikingoh, tutang sopahtu ang tapaoh.

KESAH RASUL-RASUL 11:12

Turus Roh Pohotala nyuhu ahku tulak homboh iro hawui eam bimbang. Koonom behti Konduang tuh ka'a, umba homboh ahku nokuh Kaisarea, tutang ihkai paringoh nyolong nokuh luwang lohpou Kornelius.

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

KESAH RASUL-RASUL 3:16

Konduang-konduang jari nohto tutang monyaksioh, inon ijo nyolung umba ulun bolomu tuh. Io jari nyolung ba'as tutang pios huli kotului io porocaya umba Yesus tutang kowasa-Oh. Tului porocaya ahkan Yesus mahka ulun tuh jari monjadi pios huli, aang toharep Konduang-konduang paring.

RUMA 1:17

Tului umba Kabar Hinut rih Pohotala ngorinah kolouinon caraoh kohihco kolunon umba Pohotala, monjadi hinut hoduli; caraoh iorih honong porocaya umba Pohotala, tahkan pahtuk nyiring laiuoh. Orih sama kolou ijo tonyurat luwang Surat Borasih, ‘‘Ulun ijo porocaya umba Pohotala nyiring kohihcooh umba Pohotala monjadi hinut hoduli, ulun orih ahkan bolum!’’

RUMA 10:12

Orih nyolung toharep paring ulun, kotului eam aro bedaoh holat ulun Yahudi umba ulun-ulun uhtus bohkon. Pohotala ijo ihco orih anairih Tuhan ahkan paring ulun. Io nonga borehkat ijo molowi-lowi ahkan paring ulun ijo nyawot dohop umba Io.

RUMA 10:4

Hukum agama ius pononggenap bain Kristus. Jadi nyinong ulun ijo porocaya umba Kristus, kohihcooh umba Pohotala monjadi pios hoduli.

RUMA 2:1

Bain tului orih, Konduang-konduang, Iairih Konduang, nyiring Konduang nosalanoh ulun bohkon? Konduang eam tepun ino-inon ahkan mombela arop! Tului amat Konduang nosalanoh ulun bohkon, podahar Konduang bongon nguanoh gawi ijo sama kolou iro; mahka Konduang ngohtunohhukum ngosan arop'mu bongor ka'a.

RUMA 3:30

Tului Pohotala tihkas Ihco. Io ijo nonga jalan ahkan ulun-ulun Yahudi hokohinut hoduli umba Pohotala, tului iro porocaya. Tutang Iorih hino nongajalan ulun-ulun uhtus bohkon ka tou hokohinut hoduli umba Pohotala. Orih ka'a tului iro porocaya.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

RUMA 9:30

Jadi koloputaioh io rih tuh, uhtus-uhtus bohkon ijo eam lihit Yahudi, eam bousaha mangat kohihco iro umba Pohotala monjadi pios hoduli. Tahpi kotului iro porocaya, mahka Pohotala, napa kohihcon iro umba Io, tutang monjadi pios hoduli.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

GALATIA 2:16

Oluka kodorih ihkai ta'an, ijo ulun hokopios hoduli umba Pohotala, baya tului porocaya umba Yesus Kristus tutang eam tului molalus hadat agama. Ihkai bongon ka, porocaya umba Yesus Kristus, mangat ihkai hokopios umba Pohotala nguha koporocayan 'kai rih, eam kotului ihkai molalus hadat agama. Tului umba molalus hukum agama, eam ihcobehti ka duon hokopios hoduli umba Pohotala.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

EPESUS 3:12

Honong porocaya umba Kristus tutang kotului hihco umba Io, ihto tononga komorodehka ahkan ngondoni Pohotala honong tuwi koporocayaan.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!

YAKOBUS 2:23

Orih tohorong umba ayat Surat Borasih tuh, ‘‘Abraham porocaya ahkan Pohotala, tutang tului koporocayaoh rih Pohotala monorimaoh kolou ulun ijo molalus kohondak Pohotala.’’ Orih kotuluioh Abraham konohawot, ‘‘Sobat Pohotala’’.