RUMA 2:5 - BOWOT BOHUA

⁵ Tahpi ihkam mahang kuhung tutang eam kani hubah. Bain tului orih ihkam bongomrih ijo ngambot hukum'mu monjadi tambah bahat aang Ondou Kiamat, amat Pohotala ngorinah kosangit-Oh tutang momuatoh hukum ijo adil.

RUMA 2:5 ပူးပေါင်းရင်းမြစ်များ

RUMA 1:18

Tahkan soruga Pohotala ngorinah kosingi-Oh toharep paring dusa tutang koja'at ulun, tului koja'at, pojajong kalunon ahkan ngosono ajaran morong tohou Pohotala.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 9:22

Kodorih ka'a umba inon ijo tonapa bain Pohotala. Io boniat ahkan timbun kosangit-Oh tutang mopotohto kowasa-Oh. Tahpi Io sabar toharep iro ijo harus tonohukum, tului nguan Io bosingi.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

2 TESALONIKA 1:5

Tutang ang ohtoi rih korinah eaminon adiloh bosara Pohotala: Ihkam jari ngarot kotului Kolunon Bohua Ain Pohotala, tutang tului orih ihkam ahkan tongohu layak ahkan nyolong nokuh luwangoh.

IBRANI 3:13

Jadi, mangat eam anai ihcobehti ka tahkan louk'kam, ijo tonihpu bain dusa nyiring molawan Pohotala, hondakrih ihkam saling hotingak nyinong ondou, kotahin ihto magun bolum, ang jaman ijo konohawot ‘‘Ondou Tuh’’ a'ang Surat Borasih.

IBRANI 3:15

Jituhrih ijo tonyurat luwang Surat Borasih, ‘‘Amat aang ondou tuh ihkam ngonih auh Pohotala, ararih ihkam ngomahang kuhung, kolou tahtu ajuh'kam, ohkot iro mborontak toharep Pohotala.’’

IBRANI 4:7

Kotului Pohotala jari nuhkas ihco ondou ijo bohkon hino, ijo konohawot, ‘‘Ondou Tuh’’. Botoun-toun pongo hino, Pohotala nuhtui tohou hal rih nguha Dawid, a'ang ayatoh ijo ngohtib nanai, ‘‘Amat ang ondou tuh, ihkam ngonih auh Pohotala, ara ihkam ngomahang kuhung.’’

YAKOBUS 5:3

Bulau tutang perak'mu jari totuhtup tagar; tagaroh ahkan jadi saksi molawan ihkam, tutang ahkan kuman opah behtin'kam kolou baho. Ihkam ius nunyuk ponahtou ang jaman monitu laiu.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 2:21

Jari Ahku nongaoh ahkaioh, kosapet ahkan hubah tahkan dusai-dusaioh, tahpi io eam jolik tondo, nguan hal-hal ijo kihal rih.

PONGORINAH 6:17

ndou dahsyat ius lombut, uhuntuh iro nusuh kosangit iro, tutang eam ihcobehti ka sanggup botahan ang husuk iro!’’