RUMA 2:29 - BOWOT BOHUA

²⁹ Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.

RUMA 2:29 ပူးပေါင်းရင်းမြစ်များ

LUKAS 11:39

Tului rih Tuhan nuhtui umbaoh, ‘‘Punaioh ihkam ulun-ulun Parisi kopahtuhoh muhi pihkan tutang piring hila luar iou, tahpi ang luwang aropoh bongoi tuwi umba kokaras tutang koja'at.

LUKAS 17:21

nyiring ulun duon nuhtui, ‘Kanohtoi nohto, tuh io!’ ata'ai ‘Ang anan io!’ Tului Pohotala jari nopara moretah ang tohun-tohun ihkam.’’

YOHANES 12:43

Iro labih jolik ngondahpot tara tahkan kolunon, tahkanumba ponorega Pohotala.

YOHANES 4:23

Tahpi ohkotoh ahkan lombut, molahan jari lombut, ijo umba kowasa Roh Pohotala ulun-ulun ahkan monyembah Amai, kolou Pohotala ijo morong, kolou ijo kononjolik Amai.

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 2:27

Tutang ulun-ulun ijo eam tonyunat rih ahkan nosalan Konduang ulun Yahudi, tului Konduang anaingina hukum agama Yahudi, tutang Konduang tonyunat, tahpi Konduang molanggar hukum orih. Iro eam tonyunat, tahpi puna iro rih ijo tehentu'u umba hukum agama Yahudi.

RUMA 3:1

Amat kodorih inonrih utungoh monjadi ulun Yahudi? Tutang inonkah rimaioh numbun aturan sunat?

RUMA 7:6

Tahpi huntuh ihto eam hino konarut ang hukum agama Yahudi. Ihto jari mahtoi toharep hukum ijo lomoioh ngowasa ihto. Ihto eam hino bosorah honong cara ijo usang, numbun hukum ijo sonurat. Huntuh ihto bosorah numbun cara ijo bohua ijo ngorinah bain Roh Pohotala ahkan ihto.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

1 KORINTUS 7:19

Tului nihtoi poroturan sunat, ata'ai eam nihtoioh koduo-duooh, sama-sama eam anai rimai ino-inon. Ijo mbahtang io rih numbun poretah-poretah Pohotala.

2 KORINTUS 10:18

Tului ulun ijo botara, orihrih ulun ijo tonara bain Tuhan, eam ulun ijo monara aropoh bongoi.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

1 TESALONIKA 2:4

Eam! Ihkai eam mander ahkan monyanang ahtoi ulun, molekan monyanang ahtoi Pohotala, ijo mocoba ahtoi ihkai. Kotului ihkai tongohu layak bain Pohotala ahkan mborihta Kabar Hinut rih.

1 PETRUS 3:4

Tombalikoh, hondakrih kobohinoi'mu lombut tahkan luwang ahtoi, budi basa ijo bolomu luwah tutang teneng; orih rih kobohinoi abadi ijo paham borega numbun ponopahjah Pohotala.