RUMA 2:26 - BOWOT BOHUA

²⁶ Amat ihcobehti bohkon ulun Yahudi ijo eam tonyunat numbun hukum agama Yahudi, eamkah Pohotala jari ngohu kolou ulun rih ijo jari tonyunat?

RUMA 2:26 ပူးပေါင်းရင်းမြစ်များ

MATEUS 15:28

Turus Yesus nuhtui umba io, “Inai, tu'u-tu'u hajo kaporocaya'an'mu! Nauhoh nyolung inon ijo ihko jolikoh!” A'ang kotihka rih ka'a anak bawi rih pios.

RUMA 2:25

Amat Konduang tehen umba hukum agama Yahudi mahka sunat Konduang anai gunaioh ka'a. Tahpi amat Konduang eam duon tehen umba hal-hal ijo ponoretahoh aang hukum rih, mahka sunat Konduang eam aro gunai samasino.

RUMA 2:27

Tutang ulun-ulun ijo eam tonyunat rih ahkan nosalan Konduang ulun Yahudi, tului Konduang anaingina hukum agama Yahudi, tutang Konduang tonyunat, tahpi Konduang molanggar hukum orih. Iro eam tonyunat, tahpi puna iro rih ijo tehentu'u umba hukum agama Yahudi.

RUMA 3:30

Tului Pohotala tihkas Ihco. Io ijo nonga jalan ahkan ulun-ulun Yahudi hokohinut hoduli umba Pohotala, tului iro porocaya. Tutang Iorih hino nongajalan ulun-ulun uhtus bohkon ka tou hokohinut hoduli umba Pohotala. Orih ka'a tului iro porocaya.

RUMA 8:4

Pohotala nguanoh orih, mangat kohondak-Oh ijo tongorinahoh aang hukum agama Yahudi rih duon tomolalus ang arop ihto ijo bolum numbun Roh Pohotala tutang eam numbun tobiat kolunon.

GALATIA 6:15

Tonosunat ata'ai eam tonosunat, orih eam boguna. Ijo boguna io rih monjadi ulun bohua.

EPESUS 2:11

Konduang-konduang ijo bohkon ulun Yahudi! Ingatrih pombolum'kam aang ohkot lomoi. Ihkam konohawot ‘‘ulun eam bosunat’’, bain ulun Yahudi ijo ngahku arop tonosunat (maksudoh ijo ius ngondahpot tanda ijo tonapa ulun ang behtin iro).

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

KOLOSE 2:11

Kotului hihco umba Kristus, ihkam jari tonyunat, eam umba sunat ijo tonguan bain longon ulun, molekan umba sunat ijo konuan bain Kristus, ijo momorodehka ihkam tahkan kowasan tobiat ijo bodusa.