RUMA 2:19 - BOWOT BOHUA

¹⁹ Konduang yakin ijo Konduang anai okon ulun bobulen tutang koloang bagi iro ijo mohcon ang luwang kopindong.

RUMA 2:19 ပူးပေါင်းရင်းမြစ်များ

MATEUS 15:14

Eam usah nohtoani ulun-ulun Parisi orih. Iro rih okon-okon bobulen; tutang amat ulun bobulen niting ulun bobulen koduo-duooh ahkan bolinang nokuh luwang parit.”

MATEUS 4:16

Uhtus ijo bolum ang luwang kopindong jari nohto koboloang ijo ngorolondang! Bagi ijo mohcon a'ang lowun kopindong popahtoi jari lombut koloang ngorolondang!”

MATEUS 5:14

Ihkam anairih koloang kolunon. Lowu ijo tomangun ang pupung puruk eam dapot tonyuhuk.

MATEUS 6:23

Tahpi amat mahtan'kam kabus sohapus behtin'kam pindong-kihtop. Jadi amat sumbu ijo anai aang arop-mi orih pindong, eaminon kotingi-tingitoh kopindong rih!”

MARKUS 10:15

Ingat tuh! Iai eam nohimo Pohotala kolou ihcobehti anak-inyam, eam ahkan monjadi anak ukup ain Pohotala.’’

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

YOHANES 9:34

Putah iro, ‘‘Inon? Ihko ijo tuwi umba dusa tahkan konanak, ihko kani majar ihkai?’’ Mahka tahkan wayah orih iro baca io nokuh lohpou sombayang.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 2:18

Konduang norima ponunjuk-ponunjuk tahkan hukum rih, nyiring Konduang ngota'an konohuang Pohotala tutang ngota'an nuhkas, umoh ijo morong.

RUMA 2:20

Konduang gurun ulun-ulun ijo bohadat randah, tutang gurun ulun-ulun ijo uong. Konduang yakin ijo ang luwang hukum agama Yahudi. Konduang tepun kokaron pongotaan tutang ajaran ihco morong.

1 KORINTUS 3:18

Ararih ihcobehti ka ngabalik aropoh bongoi. Amat anai ulun ang louk'kam, komo aropoh horahti numbun tihpong kolunon tuh, ulun rih harus kolou ulun uong, mangat io monjadi moro-morong horahti.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.