RUMA 2:12 - BOWOT BOHUA

¹² Ulun-ulun uhtus bohkon bodusa, earo ngota'an hukum agama Yahudi. Jadi iro tomohukum ang luar hukum orih. Tahpi ulun-ulun Yahudi bodusa, ulijari ngota'an hukum orih; tului orih iro tongohasu ka'a numbun hukum rih.

RUMA 2:12 ပူးပေါင်းရင်းမြစ်များ

MATEUS 11:22

Ingatrih, ang Ondou Kiamat, ulun-ulun Tirus tutang Sidon ahkan labih jeleng konapun Pohotala, tahkan ihkam!

MATEUS 11:24

Ingatrih! Ang Ondou Kiamat ulun Sodom ahkan labih jion tonapun Pohotala tahkan umba ihkam!”

YOHANES 19:11

Yesus mutah, ‘‘Amat Pohotala eam nonga kowasa rih ahkan'mu ihko samasino eam tepun kowasa ngosan Ahku. Tului orih ulun ijo nyarah Ahku ahkan'kam, labih hajo dusaioh tahkanumba ihko.’’

KESAH RASUL-RASUL 2:23

Hosorurui umba rancana-Oh bongoi, Pohotala nuhkas ahkan nyorahoh Yesus ahkan'kam. Tutang kotihka Io tonyarahoh, ihkam munu Io honong mohonou ulun-ulun ja'at mahpak Io.

RUMA 1:32

Iro kota'an, ijo numbun hukum Pohotala, ulun ijo nguan paringoh rih, harus tonohukum mahtoi. Oluka kodorih, iro nguan ka'a hal-hal orih; tutang malah sotuju hino ulun bohkon nguaioh.

RUMA 4:15

Hukum agama Yahudi mopolombut hukum Pohotala. Tahpi amat aturan Pohotala eam aro, mahka polanggar ka'a eam aro.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

1 KORINTUS 9:21

Toharep ulun bohkon Yahudi, ahku nguanoh kolou ihcobehti bohkon Yahudi, ijo bolum ang luar hukum Museh. Ahku nguan orih rih, mangat ahku tou nguhut iro monjadi murid Kristus. Tahpi orih eam rimai, ijo ahku eam te'et umba poretah-poretah Pohotala; ahku mahi-mahi konowasa bain poretah-poretah Kristus.

GALATIA 3:10

Ulun-ulun ijo mokuak aropoh umba hukum agama, paringoh bolum ang pinda tulut. Tului luwang Surat Borasih tonyurat, ‘‘Ulun ijo eam bokehtep, molalus paring ijo tonyurat ang Buhku Hukum Agama tonulut Pohotala!’’

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.

YAKOBUS 2:10

Ulun ijo molanggar anai ihco tahkan hukum-hukum Pohotala, rimai molanggar paringoh.