RUMA 2:10 - BOWOT BOHUA

¹⁰ Tahpi paring ulun ijo jolik nguan angpios, ahkan tononga kohajoi tutang tonohoromat hawui kosanang bain Pohotala; ijo-pahtukoh ahkan ulun-ulun Yahudi, kodorih ka'a ahkan ulun-ulun uhtus bohkon.

RUMA 2:10 ပူးပေါင်းရင်းမြစ်များ

MATEUS 10:13

Amat ulun-ulun ang lohpou rih norima ihkam, nauhoh taben'kam orih mohcon ang iro. Tahpi amat iro eam norima ihkam, nguhutoh huli tabe'kam rih.

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

LUKAS 12:37

Eaminonrih koutungoh pohalu orih ijo sombang rahat ngindoi ang ohkot tuanoh lombut. Porocayarih: tuan orih ahkan botahta-tahtap tutang nyuhu pohalu-pohaluoh rih tuot, turus io nahalu iro.

LUKAS 19:42

Hion Yesus, ‘‘Ngasi-ngasi, paham kopiosoh amat ondou tuh ihkam kota'an, inon ijo duon mopolombut kobuah! Tahpi huntuh ihko eam duon nohtooh.

LUKAS 22:14

Kotihka jari ohkotoh ahkan kuman ukun Paska rih, Yesus tuot homboh murid-murid-Oh ang unuk ukunpesta rih.

LUKAS 9:48

Turus Io nuhtui umba murid-murid-Oh, ‘‘Ulun ijo norima anak tuh tului Ahku, rimai norima Ahku. Tutang ulun ijo norima Ahku, Io norima ijo nyuhu Ahku. Tului ulun ijo paling koik ang louk ihkam, iorih ijo paling hajo!’’

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 10:35

Ulun ijo mihkoh ahkan Pohotala, tutang nguan ijo morong ulun orihrih tonorima bain Pohotala, eam poduli io tahkan uhtus inon.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 2:9

Nyinong ulun ijo jolik nguan aangja'at, ahkan tongo poros tutang mongarot; ijo-pahtuk ulun Yahudi tutang ka'a, ahkan ulun-ulun uhtus bohkon.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 8:6

Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

RUMA 9:21

Eamkah ulun tuhkang potoran rih bohak napa tana liat rih, napaoh numbun konohuang ahtoioh? Tahkan ihcokobuhtup tana liat rih, ulun rih bohak potoran napa duo mahcam, napa ihco paling pios, tutang napa ijo bohkon ijo kurang pios.

RUMA 9:23

Pohotala ka'a boniat ngorinah ahkan ihto kosanangkomangat molowi-lowi ijo tonusuh-Oh ahkan ihto ijo ponokasih-Oh. Ihto jari tonahtap-Oh ahkan monorima kosanangkomangat rih.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

PILIPI 4:7

Mahka kosanang tahkan Pohotala ijo eam haraptou dahpot tohorahti kolunon, ahkan monjaga ahtoi tutang tiruk'kam ijo jari hihco umba Kristus Yesus.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

IBRANI 2:7

Ahkan ohkot ijo honjiot ihko ngojorian Io honjiot labih pinda tahkanumba molehkat. Ihko nongaoh ahkaioh, ponuot ijo isung tutang tonohoromat,

YAKOBUS 2:22

Ang ohtoi korinah ijo koporocaya harus mokarah umba gawiu mangat monjadi soporuna.

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.