RUMA 16:27 - BOWOT BOHUA

²⁷ Io ihco-ihcooh Pohotala. Io Mahahorahti. Keleh Io konahtang isung turus-jaham nguha Yesus Kristus. Amen. Horomat ihkai, Paulus, jihpon Kristus Yesus

RUMA 16:27 ပူးပေါင်းရင်းမြစ်များ

RUMA 11:36

Pohotala ijo naoi kokaron aangihco. Paringoh uras asar tahkan Pohotala tutang anairih bagi Pohotala. Ahkaioh horomat nyiring turus-jaham! Amen.

EPESUS 3:10

Maksud Pohotala iorih, mangat huntuh, nguha ukup, paring ijo nambit kokuwasa'an ang pindalangit ngota'an kopihtaran Pohotala, a'ang dolang mahcam tapaioh.

PILIPI 4:20

Tonotara ahkan Pohotala Amai ihto turus-jaham. Amen.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

1 TIMOTEUS 6:16

Iorih iou ijo eam tou tonokowasa bain popahtoi; Io bolum ang koloang ijo eam dahpot tongondoni bain iaika ka'a. Eam aro ihcobehti ulunka ijo pu'u nohto-Oh, ata'ai dahpot nohto-Oh. Ahkai-Oh horomat tutang kowasa ahkan turus-jahamoh! Amen.

2 TIMOTEUS 4:18

Puna Tuhan ahkan moliwus ahku, tahkan nyinong gawi ijo ja'at toharep ahku. Io ahkan ngomin ahku honong solamat, nokuh luwang Kolahca'an-Oh ang soruga. Hondakrih Io tonohajo turus-jahamoh! Amen.

IBRANI 13:15

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.