RUMA 16:26 - BOWOT BOHUA

²⁶ Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 16:26 ပူးပေါင်းရင်းမြစ်များ

MARKUS 16:15

Turus Yesus nuhtui umba iro, ‘‘Tulak'kam, nokuh sohapus kolunon, tutang momborihta ohrih Kabar Hinut tahkan Pohotala rih, ahkan paring ukup kolunon.

KESAH RASUL-RASUL 10:43

Paring nabi-nabi momander tohou Io. Iro nuhtui ijo paring ulun ijo porocaya umba Yesus, ahkan duonapun dusaoh honong kowasa tahkan Yesus.’’

KESAH RASUL-RASUL 6:7

Kolouorihrih Kabar Hinut tahkan Pohotala mahi-mahi tosiar nokuh tutang murid-murid Yesus ang Yerusalem ka mahi mondahang. Tutang aro hino imam-imam ijo porocaya ahkan Yesus.

RUMA 1:2

Kabar Hinut rih jari tonobowot bain Pohotala ang ohkot lomoi nguha nabi-nabi Aiu, tutang jari tonyurat luwang Surat Borasih.

RUMA 1:20

Tahkanpahtuk Pohotala na'oi kolunon, sipat-sipat Pohotala ijo eam gihtan, yorih koada'an-Oh kolou Pohotala tutang kowasa-Oh ijo abadi, jari duon toniruk bain ulun, nguha paring ijo jari tona'oioh. Jadi kolunon samasino eam anai alasan ahkan ngomorong aropoh.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 15:18

Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 15:4

Paring ijo tonyurat ang luwang Surat Borasih anairih, mangat majar ihto. Tului ajaran ijo ihto torimaoh rih tahkan Surat Borasih ngonjorian ihto sabar tutang ba'as nyiring ihto tou bokoharap umba Pohotala.

RUMA 3:21

Tahpi huntuh Pohotala ius nunjukoh jalan, koloukuwoh ulun tou hokopios umba Io: Tutang caraoh rih eam anai sakut pautoh umba hukum agama Yahudi. Buhku-buhku Museh tutang buhku-buhku nabi-nabi, justru ngorinah ang orih.

GALATIA 3:8

Surat Borasih jari nohto labih soun, ijo Pohotala mongonduon ulun-ulun bohkon Yahudi, hokopios hoduli umba Pohotala, amat iro porocaya umba Io. Kabar Hinut rih tonyorihta labih houn ahkan Abraham ang bowotoh tuh, ‘‘Nguha ihko, Pohotala ahkan mborehkat paring ukup kolunon, ang isun tana.’’

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 2:20

Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

KOLOSE 1:26

yorih borihta ijo kotahin boabad-abad ijo mohalou; tomorahasia bain Pohotala ahkan paring ulun, tahpi huntuh tongorinah ahkan ukup Aiu.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

2 TIMOTEUS 1:10

Tutang huntuh Pohotala ngorinah pononganasi-Oh rih ahkan ihto, umba polombut Lahca Ponyolamat ihto Kristus Yesus. Yesus ijo mongalah kowasan popahtoi tutang ngomin pombolum ijo abadi nguha Kabar Hinut rih.

IBRANI 13:8

Yesus Kristus tohtap sama, pios lomoi, uhuntuh, tutang nyiring turus-jahamoh.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

PONGORINAH 1:17

Ohkot ahku nohto-Oh, ahku toposuruk ang baui-Oh kolou ulun mahtoi. Tahpi Io ngina longoi kotaui-Oh aang ahku turus nuhtui, ‘‘Ara mihkoh! Ahku rih Io ijo pahtuk tutang ijo kolaiou.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.