RUMA 16:25 - BOWOT BOHUA

²⁵ Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 16:25 ပူးပေါင်းရင်းမြစ်များ

MATEUS 13:17

Ingatrih, aro nabi tutang ulun ijo te'et umba Pohotala, jolik nohto ijo ihkam nohto uhuntuh, tahpi iro eam nohtooh. Iro jolik ngonih ijo ihkam ngonih uhuntuh, tahpi iro eam ngonihoh.”

MATEUS 13:35

Tului kodorih nyolung ijo tonuhtui bain nabi, “Ahku hapan porobasa amat hopander umba iro; Ahku ahkan momborihta hal-hal ijo bosuhuk tahkan uhun tona'oioh tana tuh.”

MATEUS 20:7

Ulun-ulun rih mutah, ‘Eam aro ulun ijo ngupah ihkai bogawi ino-inon.’ ‘Amat kolourih,’ hion tepun pombulan rih, ‘tulak ihkam bogawi ang kombulan anggur aik'ku.’

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

KESAH RASUL-RASUL 9:20

Io turus tulak nokuh karon-lohpou sombayang tutang nopara mborihtaoh ijo Yesus orihrih Anak Pohotala.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 14:4

Iaikah Konduang, nyiring Konduang harus mosara jihpon ulun bohkon? Kuwoh jihpon rih tocahap ata'ai tombok, orihrih urusan tuan aiu. Tutang puna jihpon rih ahkan hihkat tombok, tului Tuhan sanggup nguanoh hihkat tombok.

RUMA 16:24

Keleh Tuhan ihto Yesus Kristus momborehkat Konduang paringoh. Amen.]

RUMA 2:16

Kodorih rih ijo ahkan nyolung noin aang ondou ijo jari tonahtapoh rih. Aang ondou orih – numbun Kabar Hinut ijo ahku mborihtaoh – Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 KORINTUS 4:1

Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

2 KORINTUS 4:3

Amat Kabar Hinut ijo ihkai mborihtaoh tuh, magun ka'a jaha tongosonooh, mahka baya ulun-ulun ijo rahat nihtu korusak iou ijo eam mongosonooh.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

GALATIA 2:2

Ahku tulak nokuh Yerusalem, tului Pohotala jari ngorinah ahkak'ku ijo ahku pahtut tulak. Tutang aang ihco puhpung ijo khusus, umba okon-okon ang anan, ahku monarang ijo ahku mborihta Kabar Hinut, ahkan ulun-ulun bohkon Yahudi. Tului ahku eam kani usaha'ku ijo houn, oluka ijo uhuntuh, baya sia-sia.

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 3:11

Pohotala nguan rih tohorong umba rancana-Oh ijo kototahiu, ijo tononguai-Oh hawui nguha Kristus Yesus Tuhan ihto.

EPESUS 3:9

tutang ka'a mangat nguha ahku paring ulun taan, koloukuwoh Pohotala, Pona'oi aangpindalangit tuh, molalus rancana-Oh ijo tahkan hounlomoi tonosuhuk ahkan kolunon.

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

1 TESALONIKA 3:13

Honong kodorih Tuhan ahkan ngomba'as ahtoi'kam, nyiring ihkam borasih, tutang eam aro kosalai ang toharep Pohotala, Amai ihto, ang ohkot Tuhan ihto Yesus Kristus lombut homboh paring ulun ijo monjadi Aiu-Oh.

2 TESALONIKA 2:14

Ahkan orihrih Pohotala na'ah ihkam nguha Kabar Hinut ijo ihkai mborihta-Oh ahkan'kam. Pohotala na'ah ihkam, kotului Io kani, mangat ihkam umba nginyam kohajon Tuhan ihto Yesus Kristus.

2 TESALONIKA 3:3

Tahpi Tuhan sotia. Io ahkan ngomba'as ihkam tutang nolawang ihkam tahkan Si Ja'at.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 2:8

Ingatrih tuh: Kabar Hinut ijo ahku mborihtaoh rih anairih kabar tohou Yesus Kristus, lihit Dawid; Io rih Kristus ijo jari bolum hoduli tahkan popahtoi.

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

PONGORINAH 10:7

Tahpi amatmira molehkat kopihtuoh mohpos sorunaioh, Pohotala ahkan molalus rancana rahasia-Oh, kolou ijo jari Io mborihtaoh ahkan jihpoi-jihpoi-Oh, yorih dolang nabi.’’