RUMA 16:19 - BOWOT BOHUA

¹⁹ Paring ulun jari ngota'an ijo ihkam bokehtep ahkan ajaran tohou Kabar Hinut ijo tahkan Pohotala. Tutang ahku sanang ngosan hal orih tohou ihkam. Ahku jolik mangat ihkam solembang tohou hal-hal ijo pios; tutang uong tohou hal-hal ijo ja'at.

RUMA 16:19 ပူးပေါင်းရင်းမြစ်များ

MATEUS 10:16

“Nohtoanirih auh'ku tuh: Ahku nyuhu ihkam kolou tobiri, ijo eam aro borodaya, nokuh tohun-tohun horomaung bosiak. Ihkam harus borondong kolou lohi, tutang morong ahtoi kolou bulung dala.

LUKAS 10:3

Olai, tulak ih! Ahku nyuhu ihkam kolou tobiri nokuh marak horomaung.

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

EPESUS 5:17

A'ai uong, tahpi nolihti inon ijo tongohondak Tuhan.

PILIPI 1:9

Tuhrih do'a'ku ahkan ihkam; keleh ihkam mahi-mahi monyita Pohotala tutang hawuiarop tutang turus ndahang timbon pongotaan ijo morong tutang topahjah ijo kopihtar.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.