RUMA 15:8 - BOWOT BOHUA

⁸ Tului, ingatrih, ijo Kristus jari mohalu ulun Yahudi ahkan mongorinah ijo Pohotala sotia aang molalus bowot-bowot-Oh umba tahtu ajuh ihto.

RUMA 15:8 ပူးပေါင်းရင်းမြစ်များ

MATEUS 15:24

Yesus mutah, “Ahku sonuhu tihkas ahkan uhtus Israel, ijo mombahtang ahkan iro ijo lacat.”

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

YOHANES 1:11

Io lombut nokuh lowui-Oh bongoi tahpi uhtus-Oh eam norima Io.

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

RUMA 11:22

Jadi ang ohtoi ihto nohto eaminon kopiosoh Pohotala, tutang eaminon mahangoh ka'a Io. Io botindak mahang toharep iro ijo bodusa, tahpi Io hinut ahtoi tohimo Konduang – asar Konduang tehtep bolum tahkan kohinut-Oh. Amat eam, mahka Konduang ka'a ahkan konondian.

RUMA 11:30

Lomoi ihkam eam tunduk umba Pohotala. Tahpi huntuh Pohotala jari ngorinah ijo ihkam liwus tahkan kosalan, tului ulun-ulun Yahudi eam tunduk.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 3:26

Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

RUMA 3:3

Tahpi koloukuwoh amat ihco kobagi ulun Yahudi eam tehen? Kuwoh, tului orih Pohotala monjadi eam tehen?

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

1 KORINTUS 1:12

Ijo ahku ngonihoh iorih ijo ang louk ihkam anai ijo nuhtui, ‘‘Ahku umba Paulus,’’ anai ka'a nuhtui, ‘‘Ahku umba Apolos,’’ ijo bohkon nuhtui ‘‘Ahku umba Petrus,’’ kodorih ka'a ijo bohkon hino nuhtui, hioi, ‘‘Ahku barih Kristus.’’

1 KORINTUS 10:19

Inon konohuang'ku umba orih? Songiangdewa ata'ai ka ukun ijo tonyorah ahkan songiangdewa rih eam ngina rimai samasino.

1 KORINTUS 10:29

Konohuang'ku, bohkon auh ahtoi bua'kam, tahpi auh ahtoi bua ulun orih. Mihkoh anai ijo ngisok, ‘‘Ho, ombai komordehka'ku harus tonihkas bain auh ahtoi-bua ulun bohkon?

1 KORINTUS 15:50

Konohuang'ku, Konduang-konduang, iorih; behti ijo tonapa tahkan daha tutang usi, eam dahpot nyolong Kolunon Bohua Ain Pohotala; tutang behti ijo dahpot mahtoi, eam dahpot monjadi abadi.

2 KORINTUS 1:20

Tului nguha Io, Pohotala jari nuhtui ‘‘Yo’’ toharep paring bowot-Oh. Hogalang orihrih ihto ngohawot ‘‘Amen’’ ahkan Pohotala kotului Yesus Kristus. Ihkai nguan kodorih mangat Pohotala tonohoromat.

EPESUS 2:12

Aang ohkot rih ihkam eam hihco umba Kristus; ihkam anairih ulun bohkonuhtus, ijo eam tosolong ukupjolahan konopili Pohotala. Ihkam eam nyolong a'ang pohtong bowot ijo tonapa Pohotala umba ukup-Oh. Ihkam bolum luwang kolunon tuh, eamanai harapan tutang eamanai Pohotala.