RUMA 15:3 - BOWOT BOHUA

³ Tului Kristus ka eam monirukoh kosanang arop-Oh bongoi. Ang luwang Surat Borasih anai tonyurat koloutuh, ‘‘Kokaron tosalan ijo tonitu ahkak-Ku jari tomuat ngosan ahku.’’

RUMA 15:3 ပူးပေါင်းရင်းမြစ်များ

MATEUS 10:25

Jari suhkup, amat ihcobehti murid sama kolou guruoh, tutang ihcobehti pohalu sama kolou tepuioh. Amat kopala ihcojolahan jadi konohawot Baalsebul, inon hino ihco koluwang lohpouoh. Iro ahkan konohawot arai ijo labih ja'at hino!”

MATEUS 26:39

Pongohuli Yesus tulak ngomahcu aropoh honjiot, turus Io nyundop ahkan tana tutang bodo'a. “Amai,” hioi-Oh, “amat tou, dian tahkan Ahku kokarot ijo Ahku harus nyuruoh tuh. Tahpi a'ai numbun konohuang-Ku, molekan numbun konohuang Amai iou.”

MATEUS 26:42

Sino huli Yesus tulak bodo'a, hioi-Oh, “Amai, amat koporos tuh harus Ahku nyuruoh, tutang eam duon dian tahkan Ahku, nauhoh konohuang Amai ijo nyolung.”

MATEUS 27:44

Ponyilou-ponyilou ijo tonyalib homboh Io rih ka malah umba ngonjea Io ka'a kolourih.

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 15:24

Jahkaioh ang tohun-tohun iro, Ahku eam nguanoh hal-hal ijo jaha pu'u tonguan ulun bohkon, iro eam bodusa. Tahpi huntuh iro jari nohto inon ijo Ahku nguaioh, tutang iro ngohiri Ahku kanika Amai-Ku.

YOHANES 4:34

Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

YOHANES 5:30

‘‘Ahku eam dahpot nguan ino-inon ngosan konohuang-Ku bongok. Ahku tihkas mosara numbun ijo ponoretah Pohotala. Tutang puhtusan-Ku rih adil, tului Ahku eam numbun konohuang-Ku bongok, molekan konohuang Amai ijo nyuhu Ahku.

YOHANES 6:38

Tului Ahku mosuluh tahkan soruga, bohkon ahkan nguanoh konohuang bongon, molekan konohuang Io ijo nyuhu Ahku.

YOHANES 8:29

Tutang Io ijo nyuhu Ahku anai hihco Ahku. Io eam pu'u mohonouoh Ahku bongok-Ku, tului Ahku hototurus nguan inon ijo monyanangoh ahtoi-Oh.’’

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

PILIPI 2:5

Kohondakrih ihkam, bo-homboruan kolou Yesus Kristus.

PILIPI 2:8

Io mogominda arop, tutang bolum honong te'et ahkan Pohotala nyiring mahtoi – yorih mahtoi nyopolahki.