RUMA 15:26 - BOWOT BOHUA

²⁶ Tului ukup-ukup ang Makedonia tutang Akhaya jari sotuju ahkan nonga pononga ahkan konduang-konduang ijo porosbolum ang louk ukup Pohotala ang Yerusalem.

RUMA 15:26 ပူးပေါင်းရင်းမြစ်များ

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MATEUS 26:11

Ulun porosbolum toturus anai ang louk ihkam, tahpi Ahku eam hototurus jaham hihco ihkam.

LUKAS 14:13

Jadi, amat ihko nguan pesta, morawerih ulun porosbolum, ulun cahcat, ulun kaet-kehcang tutang ulun bobulen.

LUKAS 6:20

Yesus nopahjah murid-murid-Oh, turus nuhtui, ‘‘Kosanangrih ihkam ulun-ulun porosbolum, tului ihkam anairih anak ukup ain Pohotala!

KESAH RASUL-RASUL 16:12

Tahkan anan ihkai nokuh Pilipi, ihco lowu ang distrik ijo pahtukoh ang Makedonia. Pilipi anairih ihco jajahan kolahca'an Ruma. Ang anan ihkai mohcon pira-pira ondou.

KESAH RASUL-RASUL 16:9

Homalomoh ang Troas, Paulus nohto ihco pongorinah. Io nohto ihcobehti ulun Makedonia tombok ang toharepoh sambir nyawot honong paham mangat io tulak nokuh Makedonia ahkan dohop iro.

KESAH RASUL-RASUL 18:12

Kotihka Galio monjadi gubernur ang Akhaya, ulun-ulun Yahudi hihco ngolawan Paulus tutang ngomin io nokuh bosara.

KESAH RASUL-RASUL 19:21

Uliumba kojodian-kojodian orih, Paulus nuhkas ahkan tulak nokuh Makedonia tutang Akhaya turus hototurus nokuh Yerusalem. ‘‘Uliumba nokuh anan,’’ hion Paulus, ‘‘ahku harus tulak nokuh Ruma ka'a.’’

KESAH RASUL-RASUL 9:13

Ananias mutah, ‘‘Tuhan ahku jari aro ngonih ulun pander tohou ulun tuh, pahtukoh tohou sorahta-sorahta ijo io nguai tohimo ukup-Mu ang Yerusalem.

1 KORINTUS 16:15

Konduang punaoh ngosono Stepanus tutang ukup jolahai; iro ijo pahtukoh monjadi ulun Kristen ang Akhaya. Iro honong kotuwi ahtoi, bogawi khusus ahkan mohalu ukup Pohotala.

1 KORINTUS 16:5

Ahku ahkan masap ihkam ulimba nguha Makedonia, bain ahku boniat ahkan nguha anan.

2 KORINTUS 1:16

Ahku nohuang masap ihkam a'ang ponomuoi'ku nokuh Makedonia tutang tondo hino masap ihkam ang ponomuoi'ku buli, mangat ihkam duon dohop ahku noturus ponomuoi'ku nokuh Yudea.

2 KORINTUS 11:9

Amat ang ohkot orih ahku tahpas, ahku eam pu'u monyusah ihcobehti ka tahkan ihkam. Paring ijo ahku poruluoh, tonyodia bain konduang-konduang ijo lombut tahkan Makedonia. Ahku monjaga pio-pios mangat ahku eam monyusah ihkam a'ang hal inon ka, tutang ahku ahkan turus monjaga mangat orih tahtap kodorih.

2 KORINTUS 2:13

Tahpi ahku eam teneng tului eam hosombang umba konduang ihto Titus ang anai. Mahka ahku poromisi umba ulun-ulun ang anan, turus tulak nokuh Makedonia.

2 KORINTUS 7:5

Kotihka ihkai johcok ang Makedonia ka, ihkai samasino eam sapet istirahat. Tahkan kokaro lahpak, ihkai dahpot kosusah; tahkan lahpak bohkon kolahi, tahkan luwang ahtoi bongon kihkoh.

2 KORINTUS 9:12

Kotului gawi pios ijo ihkam nguaioh tuh, eam tihkas monyukup kotahpas ukup Pohotala iou, tahpi ka'a ahkan kotuluioh aro ulun botorimakasih ahkan Pohotala.

2 KORINTUS 9:2

Ahku kota'an ihkam kani ndohop, tutang ahku jari monamamoh ihkam, umba ulun-ulun ang Makedonia. Ahku nuhtui ahkan iro ijo tahkan toun ijo nokalou konduang-konduang ang Akhaya ius tahtap ahkan nonga pondohop. Tutang somangat'kam jari ka'a himun somangat sobagian hajo tahkan iro.

2 KORINTUS 9:4

Ahku mihkoh koloujahka anai ulun-ulun Makedonia ijo umba hombo-homboh ahku noin ang ohkot ahku lombut nokuh ihkam. Tutang amat iro nyombangoh ijo ihkam jaha sodia, akai, paham komiaoh ihkai noin, kotului jari nuhtui ijo ihkai porocaya samasino umba'kam! Tutang ihkam bongom-ka, ahkan mia ka'a.

PILIPI 4:15

Konduang-konduang ulun Pilipi! Ihkam bongom kota'an tu'u ijo kotihka ahku nohtah Makedonia lomoi, ang ohkot Kabar Hinut rih ahku nyiaroh aang pahtuk tikatoh, ihkam tihkas ihco-ihcooh ukup ijo dohop ahku; ihkam ihco-ihcooh ijo umba nginyam utung rugi hombo-homboh ahku.

1 TESALONIKA 1:7

Umba orih ihkam monjadi sutu ahkan paring ulun Kristen ijo ang Makedonia tutang Akhaya.

1 TESALONIKA 1:8

Kotului nopara tahkan ihkam, borihta tohou Tuhan, jari tosiar nyiring nokuh Makedonia tutang Akhaya. Tutang eam tihkas orih iou, mahihino borihta tohou koloukuwoh ihkam porocaya, umba Pohotala jari johcok nokuh umoh-umoh, nyiring ihkai eam porulu hino nuhtui ino-inon.

1 TESALONIKA 4:10

Tutang hal tuh jari ihkam pokarahoh toharep paring konduang 'cokoporocaya ang hopus Makedonia. Tahpi, Konduang-konduang, ihkai nyawot hawui paham mangat pombolum'kam monjadi labih pios hino.

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

PILEMON 1:5

Bain ahku ngonih ijo Konduang tu'u-tu'u porocaya umba Tuhan Yesus tutang mongasih paring ukup Pohotala.