RUMA 15:24 - BOWOT BOHUA

²⁴ Noin amat ahku nguha lowun'kam ang ponomuoi'ku ahkan Spanyol, ahku harap duon hosombang umba ihkam tutang jorih honyulu honong ihkam. Uliorih ahku harap ihkam duon dohop ahku ahkan ponyalak'ku nokuh Spanyol rih.

RUMA 15:24 ပူးပေါင်းရင်းမြစ်များ

KESAH RASUL-RASUL 15:3

Ukup ang Antiokhia ngitot iro johcok nokuh luar lowu, pongohino iro tulak nguha Penisia tutang Samaria. Ang anan iro mborihta koloukuwoh ulun-ulun bohkon Yahudi jari nyarah aropoh ahkan Pohotala. Borihta rih paham ngojorih ulun-ulun porocaya ang anan.

KESAH RASUL-RASUL 19:21

Uliumba kojodian-kojodian orih, Paulus nuhkas ahkan tulak nokuh Makedonia tutang Akhaya turus hototurus nokuh Yerusalem. ‘‘Uliumba nokuh anan,’’ hion Paulus, ‘‘ahku harus tulak nokuh Ruma ka'a.’’

KESAH RASUL-RASUL 21:5

Tahpi ulijari umbot ohkotoh ihkai mohcon ang anan, ihkai nohtah iro tutang noturus ponyalan ihkai. Iro paringoh, honong anak oruhoh iro ngihtot johcok luar lowu. Ang anan ang saran kowang ihkai paring suhkuntu'ut tutang bodo'a.

RUMA 1:12

Konohuang'ku iorih, tului ihto sama-sama jari porocaya umba Yesus Kristus, mahka ihto dahpot saling hokomba'as.

RUMA 15:28

Amat ahku jari ngopah karon-gawik'ku tuh, tutang monyorah ahkan iro ijo ang Yerusalem rih, pononga ijo jari tonipunoh rih, mahka ahku ahkan tulak nokuh lowu Spanyol, nyihing lowun'kam.

2 KORINTUS 1:16

Ahku nohuang masap ihkam a'ang ponomuoi'ku nokuh Makedonia tutang tondo hino masap ihkam ang ponomuoi'ku buli, mangat ihkam duon dohop ahku noturus ponomuoi'ku nokuh Yudea.

3 YOHANES 1:6

Iro jari momborihtaoh rih, ahkan ukup ang unuk ihkai, tohou sitan'kam. Dohop iro, mangat dahpot noturus ponyalan iro tutang honong kolourih ngojorih ahtoi Pohotala,