RUMA 15:18 - BOWOT BOHUA

¹⁸ Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 15:18 ပူးပေါင်းရင်းမြစ်များ

MATEUS 25:16

Pohalu ijo norima limo kuhjan duit bulou rih jeleng tulak bodagang, turus norima utung limo kuhjan duit bulou hino.

MARKUS 16:20

Mahka murid-murid-Oh tulak momborihta Kabar Hinut tahkan Pohotala nokuh umo-umoh. Tutang Tuhan ka umba bogawi homboh umba iro, tutang ngorinah nguha kahtahelan-kahtahelan, ijo tononyiar iro rih tu'u.] [

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 15:12

Mahka tonihrih paring ulun ijo hopuhpung ang anan. Pongohuli iro ngonih Barnabas tutang Paulus mborihta hoduli paring ang helan tutang hal-hal luar biasa ijo jari konuan bain Pohotala nguha doro ang louk ulun-ulun ijo bohkon Yahudi.

KESAH RASUL-RASUL 15:4

Kotihka iro johcok ang Yerusalem iro noharang honong hinut bain ukup tutang bain rasul-rasul hawui okon-okon, turus iro mborihta ahkan ulun-ulun rih tohou paringoh ijo jari konuan Pohotala nguha iro.

KESAH RASUL-RASUL 21:19

Uli ngohawot solamat ahkan'ndo, Paulus nyorihta ahkan iro kokaro angihco ijo ius konuan Pohotala nguha io, ang louk ulun-ulun bohkon Yahudi.

KESAH RASUL-RASUL 26:20

Honong torus-tarang ahku mborihta ahkan ulun-ulun ijo iro harus hubah tahkan dusa-dusan iro tutang nyarah aropoh ahkan Pohotala, honong ngorinah aang pombolum iro, ijo iro jari hubah tahkan dusa-dusan iro. Ahku mborihta hal orih, pahtukoh ang Damaskus, pongohino ang Yerusalem tutang ang sohopus Yudea tutang louk ulun ijo bohkon Yahudi.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 6:17

Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

2 KORINTUS 11:31

Pohotala, Amai tahkan Tuhan Yesus kota'an, ijo ahku eam bobalik. Tonotara Arai-Oh turus-jahamoh.

2 KORINTUS 12:6

Jahkaoh ahku jolik ka'a monamam angihco, ahku eam kani monjadi panderngahus ijo auh puang; ahku ahkan ngohawot ijo morong. Tahpi ahku nahan arop, mangat eam anai ulun ijo ngohu ahku labih tahkanumba inon ijo jari io nohto ahku nguai, ata'ai ijo jari io ngonihoh ahku nuhtuioh.

2 KORINTUS 3:5

Ihkai eam tepun aangihco alasan ka, ahkan ngorinah ijo ihkai puna nyanggup nguan gawi tuh, tahpi Pohotala ijo nonga koulih rih ahkan ihkai.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 2:8

Kotului Pohotala nonga ahkan Petrus koulih ahkan monjadi rasul ulun Yahudi, nongarih ka'a ahkak'ku koulih ahkan monjadi rasul ulun bohkon Yahudi.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

IBRANI 11:8

Kotului porocaya, mahka Abraham mone'et Pohotala, kotihka Pohotala na'ah io, tutang nyuhuoh tulak nokuh tanah, ijo Pohotala mbowot ahkaioh. Turus Abraham tulak honong eam ta'an nokuh umoh ahkan ponulak.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

YAKOBUS 1:22

Kohandakrih ihkam nguanrih inon ijo tonuhtui bain Pohotala, ara baya ngonihoh iou, nyiring hawui kolouorih ihkam monihpu arop bongon.

1 YOHANES 3:18

Anak-anak'ku! Ararih ihto ngasi baya ang nyama, ata'ai tihkas umba kohawot iou. Hondakrih ihto ngasi umba kasih ijo sojahti, ijo tongorinah umba gawin ihto.

YUDAS 1:9

Mikhael bongoi, ijo mongopala dolang molehkat, eam pu'u nguan kolourih. Ang ohkot io hokolawan umba Sehtan a'ang hotokian tohou iai ijo ahkan ngondahpot otun Museh, Mikhael eam bohanyi mosara Sehtan umba auh-auh mohina. Mikhael tihkas nuhtui, ‘‘Tuhan ahkan ngorahang ihko!’’