RUMA 15:16 - BOWOT BOHUA

¹⁶ Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 15:16 ပူးပေါင်းရင်းမြစ်များ

KESAH RASUL-RASUL 13:2

Kotihka iro rahat sombayang ahkan Tuhan tutang puasa, Roh Pohotala nuhtui umba iro, ‘‘Ngopili Barnabas doro Saulus, mbarih ahkak-Ku, mangat iro nguan gawi ijo jari Ahku nuhkasoh ahkan iro.’’

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

KESAH RASUL-RASUL 22:21

Tahpi Tuhan nuhtui hino umba ahku, ‘Tulakrih iou, tului Ahku ahkan nyuhu ihko tulak nokuh unuk ijo mahcu ahkan ulun-ulun bohkon uhtus Yahudi.’ ’’

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 11:13

Tahpi huntuh piosrih ahku bopander umba Konduang-konduang ijo bohkon uhtus Yahudi! Kotahin tuh, kolou rasul ahkan uhtus-uhtus ijo bohkon Yahudi, ahku paham ngahtang isung tugas'ku.

RUMA 15:18

Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 15:19

ijo pohayak kohelan-helan tutang hal-hal luar biasa, paringoh rih bain kowasa Roh Pohotala. Kabar Hinut tohou Kristus jari ahku mborihtaoh paringoh ahkan ulun-ulun, nopara tahkan Yerusalem johcok nokuh Ilirikum.

RUMA 15:20

Cihta-cihta ahtoi'ku iorih mborihta Kabar Hinut tahkan Pohotala ang karon-unuk ang amoh ulun jaha ngonih tohou Kristus. Tului ahku eam kani nombok ang konuak'ku isun galang ijo konina bain ulun bohkon.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

1 KORINTUS 4:1

Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 5:20

Jadi ihkai anairih monjadi pohalu-pohalu Kristus. Nguha ihkai Pohotala bongoi ijo nyapai pohtoh-Oh. Ngasan aran Kristus ihkai nyawot hawui paham, torima njuluk longon Pohotala ijo toudahpon ihkam hokopios umba Io.

2 KORINTUS 8:5

Iro nonga mahcu labih tahkan ijo ihkai harapoh. Iro pahtu-pahtukoh monyorahoh arop ahkan Tuhan, pongohuli ahkan ihkai ka'a sorurui umba kohondak Pohotala.

GALATIA 3:5

Pohotala nonga Roh-Oh ahkan'kam, tutang nguan kohelan-kohelan ang louk ihkam. Inonrih Pohotala nguan orih kotului ihkam numbun hukum Agama, ata'ai kotului ihkam ngonih Kabar Hinut rih tutang porocaya umba Kristus?

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

EPESUS 2:22

Tului bolum hihco umba Kristus, ihkam ka'a rahat topangun, homboh ulun-ulun bohkon monjadi ihco kobawak lohpou ahkan Pohotala; ang anan Pohotala mohcon umba Roh Aiu.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

1 TESALONIKA 2:2

Ihkam ta'an ijo, sounmba ihkai lombut ahkan'kam ang Tesalonika, ihkai jari tonoporos tutang tonohina ang Pilipi. Tahpi oluka, aro ulun molawan ihkai, Pohotalan ihto jari nonga ihkai kohanyi ahkan mborihta ahkan'kam Kabar Hinut ijo asar-Oh tahkanmba-Oh.

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

1 TIMOTEUS 1:11

Ajaran rih ihto sombangoh ang luwang Kabar Hinut ijo monyiaroh tomorocaya ahkak'ku, yorih Kabar Hinut tahkan Pohotala ijo hajo tutang harus tonara.

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

2 TIMOTEUS 1:11

Ahkan mborihta Kabar Hinut orihrih Pohotala nyuhu ahku monjadi rasul tutang guru.

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.