RUMA 15:1 - BOWOT BOHUA

¹ Ihto ijo tu'u-tu'u yahkin, ahkan inon ijo ihto porocayaoh, harusrih sabar toharep kobahat-kobahatoh ulun bohkon ijo bolomu koporocayaoh. Ara ihto tihkas nyanang arop ihto bongon iou.

RUMA 15:1 ပူးပေါင်းရင်းမြစ်များ

RUMA 14:1

Ulun ijo eam yahkin ahkan inon ijo tomorocayaoh harus tonorima honong kopios ahtoi ang louk Konduang-konduang. Ara hojawab umba ulun tohou pihkir-pihkiroh.

RUMA 14:2

Anai ulun ijo ngohu ijo io tou kuman inon ka'a. Tahpi anai ulun ijo bolomu koyahkinanoh; io nanyam ijo io tihkas tou kuman ramunumo iou.

RUMA 4:20

Io tehtep porocaya tutang eam bembang ahkan bowot Pohotala. Malah koporocayaoh ngonjorian io botambah ba'as, nyiring io toturus monara-nara Pohotala.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

1 KORINTUS 9:22

Ang tohun ulun-ulun ijo koyakinoh eam ba'as, ahku ka nguanang kolou ihcobehti ijo koyakinoh eam ba'as, mangat ahku duon nguhut iro monjadi murid Kristus. Pendekoh, ahku ngonjorian pari-paringoh ahkan paring ulun mangat umba jalan ijo koloukuwoh ka, ka'a ahku duon monyolamat ihcokobagi tahkan iro.

2 KORINTUS 12:10

Jadi, ahku jorih umba kolomu-kolomu'ku rih. Ahku ka'a jorih amat bain kotului Kristus ahku tonopitnah, ahku buah kohapit, toduru-duru tutang ahku nyuru kosusah. Tului amat ahku bolomu, mahka ang ohkot orih rih, justru ahku ba'as.

EPESUS 6:10

Laiuoh ihkam pios monjadi ba'as, umba koba'as ijo ihkam dahpot tahkan kowasa Tuhan, tului ihkam hihco umba Io.

PILIPI 2:4

Nohtoani kogunan ulun bohkon; ara tihkas kogunan ahkan arop bongon.

1 TESALONIKA 5:14

Ihkai nyawot ka'a. Konduang-konduang, ningakrih iou hawui kopios umba ulun ijo eam kani bogawi, tabahrih ahtoi ulun ijo pomihkoh, dohoprih ulun ijo porulu tondohop, tutang sabarrih toharep paring ulun.

2 TIMOTEUS 2:1

Timoteus, anak'ku! Hondakrih ihko monjadi ba'as, bain pononganasi ijo tononga ahkan ihto, kotului ihto hihco umba Kristus Yesus.

1 YOHANES 2:14

Ahku nyurat ahkan'kam, anak-inyam, tului ihkam ngosono Pohotala, Amai. Ahku nyurat ahkan'kam, Amai-amai, tului ihkam ngosono Auh ijo jari anai tahkan pahtuk nopara. Ahku nyurat ahkan'kam ulun-ulun biou, bain ihkam ba'as. Auh Pohotala anai ang luwang ahtoi'kam, tutang ihkam jari mongalah ijo Ja'at.