RUMA 14:23 - BOWOT BOHUA

²³ Tahpi ulun ijo nanyam ragu-ragu ahkan kuman aang'co, pongohuli ka tahtap kuman ukun rih, ulun rih tonosalan bain Pohotala; tului ulun rih eam botindak numbun koyahkinanoh tohou inon ijo morong tutang ijo sala. Tutang inon iou ijo konuan eam aro koporocaya, anai orih dusa.

RUMA 14:23 ပူးပေါင်းရင်းမြစ်များ

RUMA 13:2

Orih kotuluioh ulun ijo molawan pomoretah sama iou umba molawan inon ijo jari tonahtap bain Pohotala. Tutang ulun ijo nguan kodorih ahkan norima hukum.

RUMA 14:5

Anai ulun ijo nginyam ihco ondou botatu labih gunaioh tahkan ondou-ondou bohkon, rahatoh ulun bohkon hino ngohu ijo ondou-ondou rih sama iou. Nauhoh nyino-nyinong ulun nahtap pihkir aiu bongoi.

1 KORINTUS 8:7

Oluka kodorih eam paring ulun ngota'an hal rih. Anai ijo lomoi kopahtuhoh nyembah songiangdewa. Jadi, kotului rih nyiring huntuh ka iro magun komo ijo ukun, ijo jari tonyorah ahkan songiangdewa, yorih ukun dewa. Mahka amat iro kuman ukun rih, iro komo bodusa; tului koporocaya iro jaha ba'as.

TITUS 1:15

Kokaron ang'co, anairih borasih ahkan ulun-ulun ijo borasih. Tahpi bagi ulun-ulun ijo tirukoh ja'at tutang ijo eam porocaya, eam anai ang'co ka ijo borasih, tului tiruk tutang ahtoi-bua iro jari ja'at!

IBRANI 11:6

Earo porocaya, eam ihcobehti ka duon ngojorih ahtoi Pohotala. Bain ulun ijo lombut nokuh Pohotala harus porocaya ijo Pohotala tohko, tutang ijo Pohotala nonga balos ahkan ulun ijo ngurah-Oh.