RUMA 14:22 - BOWOT BOHUA

²² Naohoh inon ijo Konduang morocaya rih, Konduang nguanoh ang toharep Pohotala iou ahkan Konduang bongon. Ulun ijo eam anaitepun alasan ahkan nanyam bosala ngosan inon ijo io ngohuoh morong, ulun rih sanang.

RUMA 14:22 ပူးပေါင်းရင်းမြစ်များ

KESAH RASUL-RASUL 24:16

Orih kotuluioh, ahku toturus ngurahjalan ijo somoro-morongoh, mangat ahtoi bua aik'ku borasih, tohimo Pohotala tutang borasih toharep kolunon.

RUMA 14:14

Kotului ahku hihco umba Tuhan Yesus, mahka ahku porocaya samasino ijo eam aro aang'co ka, ijo puna pali, tahpi hal rih pali ahkan ihcobehti, amat ulun rih mongohuoh pali.

RUMA 14:2

Anai ulun ijo ngohu ijo io tou kuman inon ka'a. Tahpi anai ulun ijo bolomu koyahkinanoh; io nanyam ijo io tihkas tou kuman ramunumo iou.

RUMA 14:23

Tahpi ulun ijo nanyam ragu-ragu ahkan kuman aang'co, pongohuli ka tahtap kuman ukun rih, ulun rih tonosalan bain Pohotala; tului ulun rih eam botindak numbun koyahkinanoh tohou inon ijo morong tutang ijo sala. Tutang inon iou ijo konuan eam aro koporocaya, anai orih dusa.

RUMA 14:5

Anai ulun ijo nginyam ihco ondou botatu labih gunaioh tahkan ondou-ondou bohkon, rahatoh ulun bohkon hino ngohu ijo ondou-ondou rih sama iou. Nauhoh nyino-nyinong ulun nahtap pihkir aiu bongoi.

RUMA 2:1

Bain tului orih, Konduang-konduang, Iairih Konduang, nyiring Konduang nosalanoh ulun bohkon? Konduang eam tepun ino-inon ahkan mombela arop! Tului amat Konduang nosalanoh ulun bohkon, podahar Konduang bongon nguanoh gawi ijo sama kolou iro; mahka Konduang ngohtunohhukum ngosan arop'mu bongor ka'a.

RUMA 7:15

Tului ahku bongok eam solembang anggawik'ku. Hal-hal ijo ahku jolik nguaioh, orih eam ahku nguai; tahpi hal-hal ijo ahku nyingi, orih malah ijo ahku nguaioh.

RUMA 7:24

Nah, koloutuhrih koada'ak'ku; ahku moneet hukum Pohotala umba akal dasar'ku, tahpi honong tobiat kolunok'ku, ahku kalah aang dusa. Pahamrih kocolahkaioh ahku tuh! Iai ijo kani monyolamat ahku tahkan behtik'ku tuh, ijo ngomin ahku nokuh popahtoi? Botorimakasih ahku ahkan Pohotala! Io kani monyolamat ahku nguha Tuhan Yesus Kristus.

1 KORINTUS 8:7

Oluka kodorih eam paring ulun ngota'an hal rih. Anai ijo lomoi kopahtuhoh nyembah songiangdewa. Jadi, kotului rih nyiring huntuh ka iro magun komo ijo ukun, ijo jari tonyorah ahkan songiangdewa, yorih ukun dewa. Mahka amat iro kuman ukun rih, iro komo bodusa; tului koporocaya iro jaha ba'as.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

GALATIA 6:1

Konduang-konduang! Amat ihcobehti sombang nguan ihco dusa, hondakoh ihkam ijo bolum numbun Roh Pohotala, niting ulun rih buli nitoi jalan ijo morong. Tahpi ihkam harus nguan orih umba bolomu lembaiahtoi, tutang bojaga a'ai nyiring ihkam bongom taputtonihkos ka'a.

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

1 YOHANES 3:21

Jadi, Konduang-konduang ijo tonyita, amat ahtoi ihto eam nosalan ihto, ihto dahpot noharep Pohotala honong kohanyi.