RUMA 14:19 - BOWOT BOHUA

¹⁹ Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

RUMA 14:19 ပူးပေါင်းရင်းမြစ်များ

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

MARKUS 9:50

Tonyu rih pios, tahpi amat monjadi tawah, dahpotrih konomohit huli? Jadi, kohondakoh ihkam monjadi kolou tonyu – bolum hopahkat tutang hokobuah.’’

RUMA 12:18

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 15:2

Tombolikoh ihto nyino-nyinong koharusoh monyanang ahtoi sosama konduang ihto ahkan kopiosoh, mangat koyakinanoh botambah ba'as.

1 KORINTUS 10:23

Hion ulun, ‘‘Ihto tou nguan anginon bewe ijo ihto kani.’’ Tu'u! Tahpi eam paring ijo ihto kani rih boguna. ‘‘Ihto tou nguan inon iou ijo ihto kani.’’ – Tahpi eam paring ijo ihto kani orih rih, monombok pombolum ihto.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

1 KORINTUS 14:3

Tobalikoh ulun ijo nyiar borihta tahkan Pohotala, io monyiaroh ahkan ulun, mangat ngoba'as'ndo, ahkan nonga somangat ahkan'ndo tutang ahkan mapung'ndo.

1 KORINTUS 14:4

Ulun ijo bopander a'ang basa ijo helan tihkas hapan ngoba'as aropoh bongoi iou, rahatoh ulun ijo monyiar borihta tahkan Pohotala dohop ukup monjadi miar.

1 KORINTUS 14:5

Pahamrih kohinutoh amat Konduang paringoh tou pander, umba bomahcam basa ijo helan. Tahpi ijo paling pios, iorih amat Konduang tou mborihta rancana-rancana ain Pohotala. Tului ulun ijo monyiar borihta tahkan Pohotala, labih hajo tahkanumba ulun ijo bopander umba bomahcam basa ijo helan; bohkon haloh, amat ulun ijo bopander a'ang bomahcam basa ijo helan rih, dahpot monarangoh inon ijo tonuhtuioh rih, mangat hopus ukup dahpot mopa'atoh.

1 KORINTUS 7:15

Tahpi amat ulun ijo eam porocaya rih nohtah oruhoh ata'ai bosaioh ijo Kristen, ara nahan io. A'ang hal tuh Konduangbawi ata'ai Konduangbahkas rih bebas, kobain Pohotala kani mangat Konduang bolum honong rukun.

1 KORINTUS 8:1

Uhuntuh tohou ukun ijo jari tonyorah kolou pononga ahkan Songiangdewa. Puna morong kolou hion ulun ‘‘Ihto paringoh uras ahpik.’’ Tahpi koahpik napa ulun monjadi bojuhu, rahatoh kasih mangun pribadi ulun.

2 KORINTUS 12:19

Dahpot jadi ihkam ngohu ihkai kotahin tuh, rahat bousaha mbela arop toharep ihkam? Ihkam koliru samasino! Pohotala ngota'an ijo paring ijo ihkai nuhtui orih anairih numbun kohondak Kristus. Tutang paring ijo ihkai nguai anairih ahkan mangun pombolum homboruan'kam.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

EPESUS 4:12

Tuh tononguai-Oh mangat ukup Pohotala tonyukup paringoh mangat dahpot mohalu Tuhan, tutang mangun bereng Kristus.

EPESUS 4:29

Amat ihkam pander ara hapa tuhtui-tuhtui ijo ja'at. Hapa iourih tuhtui-tuhtui ijo majar tutang nonga pondohop ahkan ulun bohkon. Tuhtui-tuhtui kolourih ahkan mompolombut komorong ahkan ulun-ulun ijo ngonihoh.

1 TIMOTEUS 1:4

Nuhtui umba iro mangat a'ai hino rajin ngonih a'ang korimoi-korimoi, tutang sosana-sosana, asal-usul ijo eam pahtot-pahtotoh. Paringoh rih tihkas tou mpolombut kosangit iou, tutang eam mpomiar rancana Pohotala, ijo baya dahpot tongosono, nguha porocaya umba-Oh.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

1 PETRUS 3:11

Io harus ngomahcuoh ijo ja'at tutang nguanohrih ijo pios; hondakrih io kolahi tu'u-tu'u ahkan mondahpot kobuah.