RUMA 14:13 - BOWOT BOHUA

¹³ Bain kotului orih ararih ihto saling monosalanoh. Tombolikoh ngurah jalan ahkan ihkam eam nguan aang'co ka ijo kotuluioh ihcobehti konduang sokoporocaya togoda tutang bodusa.

RUMA 14:13 ပူးပေါင်းရင်းမြစ်များ

MATEUS 16:23

Yesus ngulos turus nuhtui umba Petrus, “Hahtun tahkan ohtoi Ponihkos! Ihko mohala-halang Ahku. Tiruk'mu rih tiruk kolunon, bohkon tiruk Pohotala!”

MATEUS 18:7

Eam inon colahkaoh kolunon tuh tului hal-hal ijo kotuluioh ulun bodusa. Puna hal-hal kolouorih ahkan hototurus anai, tahpi colahkaoh ulun ijo ngotuluirihoh!

MATEUS 7:1

“A'ai mosara ulun bohkon, mangat ihkam bongom ka'a, ara tomosara bain Pohotala.

LUKAS 12:57

‘‘Ombai ihkam eam mutusoh bongom inon ijo morong?

LUKAS 17:2

Labih pios amat buhtup bahtu konarut aang uhcatoh, turus io ngondian nokuh luwang tasik, tahkanumba baiuoh ihcobehti tahkan ulun-ulun ijo koik tuh napa dusa.

RUMA 11:9

Dawid nuhtui ka'a, ‘‘Nauhoh pestan-pestan iro monjadi sokohtung bagi iro bongoi, tutang monjadi lowong unuk iro ngonyahtu tutang luhtek!

RUMA 14:10

Jadi, Konduang-konduang! Ahkan inon monosalan konduang'mu ijo sokoporocaya? Tutang ahkan inon Konduang ngohu io randah? Ihto paringoh ahkan noharep Pohotala ahkan ponosara.

RUMA 14:3

Ulun ijo kuman saraba-barangai iou, ara ngohu randah ulun ijo kuman tihkas ukun botatu iou; tutang ulun ijo makan tihkas ukun botatu iou, ararih nosalan ulun ijo kuman saraba-barangai, kotului Pohotala jari norima oi.

RUMA 14:4

Iaikah Konduang, nyiring Konduang harus mosara jihpon ulun bohkon? Kuwoh jihpon rih tocahap ata'ai tombok, orihrih urusan tuan aiu. Tutang puna jihpon rih ahkan hihkat tombok, tului Tuhan sanggup nguanoh hihkat tombok.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

1 KORINTUS 10:32

Bolumrih kolouorih kolou, nyiring Konduang eam kotuluioh ulun bohkon nguan dosa; inonkah iro ulun Yahudi ata'ai ulun bohkon Yahudi, ata'ai ka ukup Pohotala.

1 KORINTUS 11:13

Cuba Konduang-konduang bongon nimbang hal-hal tuh: Kuwoh pios ihcobehti ulunbawi bodo'a ahkan Pohotala ang toharep ulun aro, eam hapa tuhtup kuhung?

2 KORINTUS 5:14

Sihtan Kristusih ijo mongowasa ihkai, tutang ihkai borondong, ijo amat ihcobehti jari mahtoi ahkan paring ulun, mahka orihrih rimai ijo paring ulun jari mahtoi.

2 KORINTUS 6:3

Ihkai eam kani, pohalu ihkai tonosalan. Kotului rih ihkai ngurahjalan eam nonga alasan, ahkan ihcobehti ka ahkan nguan hal rih.

PILIPI 1:10

Honong kolourih ihkam ta'an mitih inon ijo kopiosoh, tutang pombolum'kam borasih tahkan cela'an, ata'ai dawa'an inon ka, ka'a ang ondou Kristus lombut hoduli.

1 TIMOTEUS 5:14

Orihrih kotuluioh ahku kani, mangat balu-balu biou pios kawin hino, dahpot anak hino tutang hogoguan lohpou kosalahoh, mangat musuh-musuh ihto eam dahpot kosapetoh ahkan ngoja'at-ja'at aran ihto.

YAKOBUS 2:4

Honong nguan kolourih, ihkam nguan kobohkon ang louk sosama arop'kam tutang monilai ulun hogalang tiruk ijo jaat.

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

1 YOHANES 2:10

Ulun ijo ngasih Konduangoh, bolum luwang koloang, nyiring eam anai angihco ka aangoh, ijo ahkan kotuluioh ulun bohkon ngonyahtu luwang dusa.

PONGORINAH 2:14

Tahpiolu kolourih, anai pira-pira hal ijo Ahku eam ngojorihoh tahkan ihkam: Anai ihcokobagi ulun ang louk ihkam ijo nutut umba ijo tongajar, bain Bileam. Bileam majar Balak koloukuwoh nombohos ukup Israel koluwang dusa; honong ngota'u iro kuman ukun ijo jari tononga ahkan dewa tutang nguan gawi ijo kihal.