RUMA 13:8 - BOWOT BOHUA

⁸ Ara tohutang inon ka, umba iai ka'a, kocoali tohutang kasih umba sama arop'kam. Tului ulun ijo mongasi sama aropoh jari molalus hukum Museh.

RUMA 13:8 ပူးပေါင်းရင်းမြစ်များ

MATEUS 7:12

Nguan ulun bohkon, kolou ihkam jolik tononguan bain iro. Orihrih usin hukum Museh tutang ajar nabi-nabi.”

YOHANES 13:34

Poretah bohua Ahku nongaoh ahkan'kam: Hokasih ihco umba 'jobohkon sama kolou Ahku ngasih ihkam, kodorih ka'a ihkam harus saling hokasih.

RUMA 13:10

Ulun ijo mongasi ulun bohkon, eam ahkan nguan ang ja'at umba ulun rih. Jadi, ulun ijo mongasi sama aropoh, iorih ulun ijo jari molalus paring syarat hukum agama.

RUMA 13:7

Jadi bayarlah iou ahkan pomoretah inon ijo Konduang harus bayar ahkaioh. Bayar iou pajak, amat Konduang harus bayar pajak, bayar iou cuhkai amat Konduang harus bayar cuhkai. Morega iro ijo harus tomorega, tutang mohoromat iro ijo harus tomohoromat.

GALATIA 5:14

Sohopus hukum agama, koloputai a'ang poretah ijo ihco tuh. ‘‘Hondakoh ihkam mongasih sama-sama ulun, kolou ihko ngasih arop'kam bongom.’’

KOLOSE 3:14

Tutang ijo boguna, iorih: Ihkam harus saling mongasih. Kotului kasih orihrih ijo pohihco Konduang-konduang paringoh nyiring monjadi soporuna.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

YAKOBUS 2:8

Ihkam nguan ijo morong, amat ihkam molalus hukum Kolahca'an ijo tonyombang luwang ayat Surat Borasih tuh, ‘‘Ngasirih sama arop'mu kolou ihko ngasih arop'mu bongom.’’

1 YOHANES 3:10

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.