RUMA 13:12 - BOWOT BOHUA

¹² Kopindong ius doni nokalou; tutang eam pira hino ahkan boloang. Jadi, pios ihto tondo nguan gawin-gawin kopindong rih. Ihto harus monyuhkup arop ihto umba pokahkas koloang.

RUMA 13:12 ပူးပေါင်းရင်းမြစ်များ

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

1 KORINTUS 10:11

Paring hal rih nyolung ahkan iro mangat monjadi sutu bagi ulun-ulun bohkon. Tutang paring orih, tonyurat ka'a mangat monjadi pongingat ahkan ihto huntuh. Kotului ihto huntuh bolum aang ohkot lain jaman.

1 KORINTUS 7:29

Titunhuang'ku koloutuh, Konduang-konduang: Ihto eam anai aro ohkot hino. Nopara tahkan huntuh, nyinong ulun ijo jari ngoruh, hondakoh bolum koloujahka io eam ngoruh;

2 KORINTUS 10:4

Pokahkas-pokahkas ijo ihkai ngunaoh ang luwang kolahin 'kai eamoh pokahkas kolunon tuh, tahpi pokahkas-pokahkas Pohotala ijo bokowasa. Honong pokahkas-pokahkas orihrih ihkai moluhtek unuk botahan; ihkai mokila hojawab-hojawab,

2 KORINTUS 6:7

homboh hawui mborihta kabar ijo tahkan Pohotala, tutang umba kowasan Pohotala, ihkai ngorinah ijo ihkai tuh anairih jihpon-jihpon Pohotala. Ihkai nambit aang kohondak Pohotala, kolou sanjatan ihkai ahkan nyarang, oluka ahkan mombela arop.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 5:11

A'ai nguan gawi-gawi ijo eam boguna ijo tonguan kobain ulun-ulun ijo bolum ang kopindong. Tobalikoh, hondakrih ihkam momburang hal-hal mahcam orih. (

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

IBRANI 10:25

Hondakrih ihto tohtap hopuhpung hombo-homboh, tutang ara langak kolou ulun bohkon. Ihto justru harus labih te'et, saling komba'as, bain ihto ta'an ijo eam tahi hino Tuhan ahkan lombut.

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 5:8

Kohandakoh ka'a ihkam bosabar tutang hajo ahtoi, tului ondou polombut Tuhan jari doni.

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,

2 PETRUS 3:9

Tuhan eam borahkah nonga inon ijo jari tonobowot-Oh, oluka anai ihco ngohu kolourih. Sobalikoh Io sabar toharep'kam, kotului Io eam kani ihcobehti ka rusak. Io jolik mangat paring ulun hubah tahkan dusai-dusaioh.

1 YOHANES 2:18

Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

PONGORINAH 1:3

Kosanangrih ahkan ulun ijo mombasaoh, tutang ulun ijo ngonih, borihta tujum surat tuh, hawui te'et umba inon ijo tonyurat ang luwangoh. Tului eam tahi hino paringoh tuh ahkan nyolung.

PONGORINAH 22:10

Turus io nuhtui hino, ‘‘Ara ngulim auh tujum luwang surat tuh, kotului jari doni ohkotoh, paringoh tuh ahkan nyolung.