RUMA 12:7 - BOWOT BOHUA

⁷ Ulun ijo tepun pononga mangat dohop ulun bohkon, harus tu'u-tu'u dohop ulun bohkon. Ulun ijo anai tepun pononga ahkan pongajar harus tu'u-tu'u majar.

RUMA 12:7 ပူးပေါင်းရင်းမြစ်များ

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

YOHANES 3:2

Aang sino ngolomi io lombut nokuh Yesus tutang nuhtui, ‘‘Amai Guru, ihkai kota'an Amai tonyuhu Pohotala. Tului eam ihcobehti ka duon nguan tandahelan kolou ijo Amai nguai, amat Pohotala eam homboh io.’’

KESAH RASUL-RASUL 13:1

Ang luwang ukup ang Antiokhia anai nabi-nabi tutang guru-guru iorih Barnabas, Simeon ijo konohawot Anak Mitom, Lukius tahkan Kirene, Menahem ijo tomohajo homboh Lahca Horodes tutang Saulus.

KESAH RASUL-RASUL 20:20

Konduang ngota'an ijo ahku eam aro kihkoh mborihta ahkan ihkam inon ijo boguna ahkan'kam. Ahku majar ihkam ang puhpung-puhpung ulunaro tutang ang lohpou-lohpou.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 6:1

Murid-murid Yesus sasar tahi sasar mondahang aro. Aang ohkot rih ulun-ulun Yahudi ijo hapa basa Yunani, monjadi eam sanang toharep ulun Yahudi asli. Ijo basa Yunani rih nuhtui, ‘‘Bawin-bawin ihkai ijo jari balu eam duonbagian pondohop ukus nyinong ondou ijo tomagi-magioh ahkan ulun-ulun.’’

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

1 KORINTUS 12:5

Anai bomahca-mahcam gawiou ahkan mohalu Tuhan, tahpi Tuhan ijo tonohalu rih Ihco ka'a!

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

GALATIA 6:6

Ulun ijo norima ajar Kristus, hondakoh hobagi umba guruoh, paring ijo pios, ijo jari anai aang io.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

KOLOSE 4:17

Tutang nyorihta iou ahkan Arkhipus: ‘‘Ngopah karon gawiu ijo tononga ahkan'kam guna mohalu Tuhan.’’

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

1 TIMOTEUS 5:17

Okon ukup ijo molalus gawiuoh honong pios, pahtut nonga porega duo kalilipet; pahtuk sasino, iro ijo rajin kotbah tutang majar.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

2 TIMOTEUS 2:24

Ulun ijo bogawi ahkan Tuhan eam pahtut hojawab, io harus bojenta toharep paring ulun, tutang dahpot majar ulun honong pios tutang sabar.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.