RUMA 12:6 - BOWOT BOHUA

⁶ Ihto nyino-nyinong anaitepun pononga-pononga pohalu ijo hokobohkon. pononga-pononga rih tononga bain Pohotala ahkan ihto numbun pongasihan-Oh. Tului orih ihto harus hapa pononga-pononga rih. Ulun ijo tepun pononga ahkan mborihta Kabar Hinut tahkan Pohotala, harus mongabar bolihta tahkan Pohotala rih, numbun koba'as ijo anai aang io.

RUMA 12:6 ပူးပေါင်းရင်းမြစ်များ

MATEUS 23:34

Ngonihrih tu'u-tu'u: Ahku ahkan ngirim nabi-nabi, ulun-ulun pitar tutang guru-guru; ihcokobarih tahkan iro ahkan ihkam munuoh, tutang ihcokobarih ijo bohkon, ahkan ihkam nyalipoh. Anai ijo ahkan ihkam nyiksaoh ang lohpou-lohpou sombayang, tutang ihkam hodulu-duluoh tahkan ihco lowu nokuh lowu ijo bohkon.

MATEUS 25:22

Turus pohalu ijo norima duo kuhjan duit bulou orih lombut, tutang nuhtui, ‘Tuan, Tuan jari nyarah duo kuhjan duit bulou ahkak'ku. Nohtooh, ahku bohasir duon utung duo kuhjan duit bulou hino.’

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

KESAH RASUL-RASUL 13:1

Ang luwang ukup ang Antiokhia anai nabi-nabi tutang guru-guru iorih Barnabas, Simeon ijo konohawot Anak Mitom, Lukius tahkan Kirene, Menahem ijo tomohajo homboh Lahca Horodes tutang Saulus.

KESAH RASUL-RASUL 15:32

Yudas tutang Silas ijo puna nabi ka'a, tahi tu'u bopander umba Konduang-konduang ijo porocaya ang Antiokhia rih, ahkan nonga koba'as tutang kohanyi ahkan'ndo.

KESAH RASUL-RASUL 2:17

Pohotala nuhtui, ‘Ang lain jaman Ahku ahkan nusuh Roh-Ku nokuh isun paring ulun. Anak-anak'kam ijo bahkas tutang anak-anak'kam ijo bawi ahkan mborihta ahkan'kam hal-hal ijo Ahku mborihtaoh ahkan'ndo. Ulun-ulun biumu ahkan nohto hal-hal ijo Ahku ngorinahoh ahkan iro. Ulun-ulun oko'kam ahkan nuhpi dolang nuhpi ijo Ahku nonga ahkan'ndo.

KESAH RASUL-RASUL 21:9

Ohpat behti anak dalaoh jari tononga kodahpot bain Pohotala ahkan mborihta Kabar Hinut tahkan Pohotala.

RUMA 1:11

Tului ahku jolik samasino hosombang umba ihkam, mangat ahku duon mbagi umba ihkam, pononga tahkan Roh Pohotala ahkan ngoba'as ihkam.

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

1 KORINTUS 12:18

Ihto nohto ijo Pohotala, ijo ngina karon-ramui rih ang behti. Nyino-nyinong to-nginaoh ang unukoh bain Pohotala numbun konohuang-Oh.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 14:1

Hondakrih ihkam ngurahjalan ahkan mongasi ulun-ulun bohkon. Tutang ngurahjalan ka'a ahkan norima pononga-pononga ijo tonongaoh Roh Pohotala, pahtukoh samasino bosodia monyiar rancana-rancana ain Pohotala ahkan ulun kolunon.

1 KORINTUS 14:24

Tahpi amat Konduang paringoh nyiar borihta tahkan Pohotala, turus lombut ihcobehti ijo bohkon Kristen ata'ai ihcobehti luar, mahka hal-hal ijo tonyiar bain Konduang paringoh, ahkan ngorinah dusa-dusan ulun rih, tutang nguan io sadar ahkan dusai-dusaioh.

1 KORINTUS 14:29

Duo ata'ai tolu behti ijo anaingina borihta tahkan Pohotala, harus nyapai mborihta rih pondehan ijo bohkon, nimbang inon ijo tonuhtui rih.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

1 KORINTUS 7:7

Kotu'uioh ahku labih jolik amat paring ulun monjadi kolou ahku. Tahpi nyinong behti ius norima pononga ijo khusus tahkan Pohotala. Ihcobehti tepun pononga tuh, ijo bohkon tepun pononga orih.

2 KORINTUS 8:12

Amat ihkam rela nonga, mahka Pohotala ahkan norima ponongan'kam rih, hogalang inon ijo anai aang ihkam, eam hogalang inon ijo eam anai aangihkam.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

PILIPI 3:15

Ihto paringoh ijo jari oko cara rohani, harusrih bogawi kodorih. Tahpi amat ang marak ihkam anai ijo niruk bohkon, mahka Pohotala ahkan monarangoh ka'a ahkan'kam.

1 TESALONIKA 5:20

Ara ngohu enteng auh kabar-kabar ijo tononga bain Roh Pohotala.

2 PETRUS 1:20

Mambahtang samasino, hondakrih ihkam ingat tuh; pohtoh Pohotala ijo tonyapai bain kokaron nabi eam tou tonafsir numbun tiruk bongon.