RUMA 12:18 - BOWOT BOHUA

¹⁸ Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 12:18 ပူးပေါင်းရင်းမြစ်များ

MATEUS 5:24

kopiosoh io nohtah houn pononga orih ang baun mesbeh, turus tulak hokobuah umba ulun rih. Uliorih, dahpot io huli tutang nyorah ponongaoh ahkan Pohotala.

MATEUS 5:5

Kosanangsolamat ahkan ulun ijo randah ahtoi; Pohotala ahkan molalus bowot-Oh ahkan'ndo!

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

MARKUS 9:50

Tonyu rih pios, tahpi amat monjadi tawah, dahpotrih konomohit huli? Jadi, kohondakoh ihkam monjadi kolou tonyu – bolum hopahkat tutang hokobuah.’’

RUMA 1:15

Orihrih kotuluioh ahku jolik samasino mborihta Kabar Hinut rih ahkan ihkam, ijo mohcon ang lowu Ruma ka'a.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 14:19

Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

1 KORINTUS 7:15

Tahpi amat ulun ijo eam porocaya rih nohtah oruhoh ata'ai bosaioh ijo Kristen, ara nahan io. A'ang hal tuh Konduangbawi ata'ai Konduangbahkas rih bebas, kobain Pohotala kani mangat Konduang bolum honong rukun.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 4:3

Bousaha tu'u-tu'u ahkan bolum honong kobuah, mangat kohihco ijo tona'oi bain Roh Pohotala tohtap tonojaga.

1 TESALONIKA 5:13

Piosnguanrih iro honong sohoromat-horomatoh, tutang umba kasihsayang kotului ingat, inon ijo iro nguaioh. Bolum toturus hawui rukun.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

1 PETRUS 3:11

Io harus ngomahcuoh ijo ja'at tutang nguanohrih ijo pios; hondakrih io kolahi tu'u-tu'u ahkan mondahpot kobuah.