RUMA 12:13 - BOWOT BOHUA

¹³ Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

RUMA 12:13 ပူးပေါင်းရင်းမြစ်များ

MATEUS 25:35

Tului ang kotihka Ahku bolo'u, ihkam nonga Ahku ukun, tutang ang uhun Ahku tojahbolai, ihkam nonga Ahku korih. Ahku ihcobehti bohkonuhtus, ihkam norima Ahku ang lohpou'kam.

KESAH RASUL-RASUL 10:4

Kornelius nopahjah molehkat rih honong mihkoh turus nuhtui, ‘‘Anai inon Tuan?’’ Molehkat rih nuhtui, ‘‘Do'a'mu, tutang kotounbosara ahtoi'mu jari tonorima bain Pohotala tutang Pohotala ingat umba'mu.

KESAH RASUL-RASUL 4:35

tutang iro nyorahoh ahkan rasul-rasul. Pongohino duit rih magioh ahkan nyinong ulun ijo poruluoh.

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

1 KORINTUS 16:15

Konduang punaoh ngosono Stepanus tutang ukup jolahai; iro ijo pahtukoh monjadi ulun Kristen ang Akhaya. Iro honong kotuwi ahtoi, bogawi khusus ahkan mohalu ukup Pohotala.

2 KORINTUS 9:1

Kotu'uioh eam porulu hino ahku nyurat ahkan ihkam tohou pondohop ijo rahat tongirim ahkan ukup Pohotala ang Yudea.

2 KORINTUS 9:12

Kotului gawi pios ijo ihkam nguaioh tuh, eam tihkas monyukup kotahpas ukup Pohotala iou, tahpi ka'a ahkan kotuluioh aro ulun botorimakasih ahkan Pohotala.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 5:10

bosewut kolou ulunbawi ijo nguan hal-hal ijo pios, kolou misaroh; jari pohajo anak-anakoh honong pios, sanang norima bohkonuhtus nginap ang lohpouoh, mohalu ulun-ulun porocaya, mondohop ulun-ulun ijo susah, tutang nguan rih hawui tu'u-tu'u, kokaro mahcam gawi ijo pios.

TITUS 1:8

Io harus sanang norima ulun ang lohpouoh, jolik ahkan hal-hal ijo pios, duon nahan aropoh, morong, borasih tutang toahtur.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

PILEMON 1:7

Konduang Pilemon, kasih'mu rih toharep paring ukup Pohotala, ngojorih ahku tutang nonga ngojuhung ahkak'ku! Paring ulun ukup Pohotala jari monjadi jorih tului Konduang.

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

IBRANI 13:2

Ara mihkoh norima ang lohpou'mu ulun-ulun ijo jaha ihkam kosono. Tului honong nguan ijo kolourih, pu'u ulun, earo ngorondongoh, jari norima molehkat ang lohpouoh.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

1 PETRUS 4:9

Hondakrih, ihkam norima ihco umba ijobohkon, ang lohpou nyinong-nyinong eam bokuhtuk.

1 YOHANES 3:17

Amat ihcobehti ijo pombolumoh sukup nohto konduangoh anai kotahpas, tahpi eam kani dohop konduangoh rih, koloukuwoh ulun rih dahpot homauh ijo io sita Pohotala?

3 YOHANES 1:5

Konduang'ku! Konduang kolourih kote'et a'ang gawi ijo Konduang nguai bagi sobat-sobat sosama Kristen; mahi-hino ulun Kristen ijo jaha Konduang ngosono ka, Konduang mohaluoh.