RUMA 11:7 - BOWOT BOHUA

⁷ Jadi, koloukuwoh? Ukup Israel eam ngonduon, inon ijo konurah. Ijo ngonduoioh tihkasrih bagian koik ulun-ulun ijo jari ponitih bain Pohotala. Ijo bohkon paringoh mahang kuhungoh toharep pona'ah Pohotala.

RUMA 11:7 ပူးပေါင်းရင်းမြစ်များ

MARKUS 6:52

Kahtahelan hapan limo buhtup luhte rih, jaha hino kosonan iro. Bohali bagi iro ahkan nyolembangoh.

LUKAS 13:24

‘‘Bousaharih ahkan nyolong nyuru bauntukang ijo sihki. Tului, ingat! Aro ulun ngurah jalan nyolong, tahpi eam tou.

YOHANES 12:40

‘Ahku ngombulenoh mahtan iro, nguan iro mahang ahtoi; mangat mahtan iro ara nohto, tiruk iro ara solembang. Mangat iro ara hoduli nokuh Ahku, turus Ahku ngopios iro.’ ’’

RUMA 10:3

Iro eam kota'an caraoh Pohotala napa kohihco ulun umba Io monjadi pios hoduli. Tutang tului iro kani numbun cara iro bongoi, mahka iro eam tunduk umba cara ijo pokarah Pohotala ahkan'ndo.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 11:5

Kodorih ka'a huntuh tuh: Anai puhta honjiot ulun-ulun ijo jari tonopili bain Pohotala tului Pononganasi-Oh.

RUMA 3:9

Nah, inon ponuot ihto kolou ulun Yahudi molowi kopioi tahkan ulun uhtus bohkon? Samasino eam! Jari ahku monarangoh, ijo, pios uhtus ulun Yahudi, oluka ijo uhtus bohkon paringoh ius konowasa bain dusa.

RUMA 6:15

Huntuh, kuwoh koloputai-Oh? Toukah ihto bodusa, tului ihto eam hino ang pinda kowasa hukum agama Yahudi, molekan ang pinda kowasa pononganasi Pohotala? Samasino eam!

RUMA 9:18

Jadi, Pohotala rih ngasikaras ahkan ihcobehti kolunon, amat Pohotala nohuang kodorih. Tutang Pohotala ngotului ihcobehti ulun monjadi karas kuhungoh, amat Pohotala nohuang kodorih ka'a.

RUMA 9:23

Pohotala ka'a boniat ngorinah ahkan ihto kosanangkomangat molowi-lowi ijo tonusuh-Oh ahkan ihto ijo ponokasih-Oh. Ihto jari tonahtap-Oh ahkan monorima kosanangkomangat rih.

1 KORINTUS 10:19

Inon konohuang'ku umba orih? Songiangdewa ata'ai ka ukun ijo tonyorah ahkan songiangdewa rih eam ngina rimai samasino.

2 KORINTUS 3:14

Tiruk iro jari totutup. Tutang nyiring ang ondou tuh ka tirukihtung iro magun totutup umba sondurung ang ohkot iro mbasa surat-surat tohou bowot ijo tahi rih. Sondurung rih tihkas duon tokuop amat ulun hihco umba Kristus.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 1:4

Sounumba kolunon tuh tona'oi, Pohotala ius mitih ihto nguha Kristus umba maksud, mangat ihto monjadi ulun-Aiu-Oh ijo khusus, tutang eam cahcat ang toharep-Oh. Tului sitan Pohotala,

EPESUS 4:18

Tiruk iro jari pindong. Iro eam ngosono pombolum ijo tononga bain Pohotala, tului iro samasino eam anaingina pongotaan ino-inon tohou Pohotala. Iro kodorih, tului mahang kuhungoh.

PILIPI 1:18

Tahpi eam ombai! Kotului koloukuwohka ka'a, pios orih tonguan hawui maksud ijo borasih, oluka umba maksud ijo sala, tuh Kristus ijo tomborihta ka'a; jadi ahku sanang iou. Tutang ahku tahtap anyam kolouorih,

IBRANI 12:17

Ihkam ta'an ijo pongohino, Esau jolik dahpot borehkat rih tahkan amaioh, tahpi io tonulak. Tului sinoka umba tangihoh io ngurah jalan ngobuah kosalaioh, kosapet ahkan orih eam anai hino.