RUMA 11:32 - BOWOT BOHUA

³² Tului Pohotala jari mohonau paring ukup ulun tongowasa bain koeamkote'etoh, mangat Io duon ngorinah pongasihan-Oh ahkan iro paringoh.

RUMA 11:32 ပူးပေါင်းရင်းမြစ်များ

YOHANES 1:7

Io lombut momborihtaoh tohou koloang rih, mangat paring ulun porocaya.

YOHANES 12:32

Tahpi Ahku tuh, amat Ahku jari tonongahtang ang ngosan tana, Ahku ahkan nguhut paring ulun Ahkak-Ku.’’

RUMA 11:31

Kodorih ka'a umba ulun-ulun Yahudi rih. Uhuntuh iro eam te'et umba Pohotala, mangat ihkam tongorinah liwus tahkan kosalan. Tahpi noin iro ka'a ahkan tongorinah liwus tahkan kosalan iro.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:9

Nah, inon ponuot ihto kolou ulun Yahudi molowi kopioi tahkan ulun uhtus bohkon? Samasino eam! Jari ahku monarangoh, ijo, pios uhtus ulun Yahudi, oluka ijo uhtus bohkon paringoh ius konowasa bain dusa.

RUMA 5:19

Tutang koloukuwoh aro ulun monjadi ulun bodusa, kotului ihco behti eam te'et. Kodorih ka'a aro ulun duonjalan hokopios hoduli umba Pohotala, tului ihco behti te'et umba Pohotala.

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.

GALATIA 3:23

Sounumba johcok ohkotoh ahkan porocaya umba Kristus, ihto tonojaga rapat bain hukum agama; ihto kolou topahkot nyiring ijo koporocaya rih korinah.