RUMA 11:22 - BOWOT BOHUA

²² Jadi ang ohtoi ihto nohto eaminon kopiosoh Pohotala, tutang eaminon mahangoh ka'a Io. Io botindak mahang toharep iro ijo bodusa, tahpi Io hinut ahtoi tohimo Konduang – asar Konduang tehtep bolum tahkan kohinut-Oh. Amat eam, mahka Konduang ka'a ahkan konondian.

RUMA 11:22 ပူးပေါင်းရင်းမြစ်များ

LUKAS 8:15

Bonyi ijo tonuhkan ang tana ijo subur nindung ulun ijo ngonih Kabar Hinut rih, turus nginaoh luwang ahtoi ijo hinut tutang morong. Iro tahanngarot nyiring nihpun buaoh.’’

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

YOHANES 8:31

Pongohuli Yesus nuhtui umba ulun-ulun Yahudi ijo jari porocaya umba Io, ‘‘Amat ihkam bolum numbun ajaran-Ku ihkam tu'u-tu'u murid-Ku,

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

RUMA 11:21

Tului amat Pohotala eam komo sayang ahkan ndian ulun Yahudi, ijo kolou da'an-da'an asli rih, ara ngohu Io ahkan komo sayang ahkan ndian Konduang!

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TESALONIKA 3:8

nyiring huntuh ihkai nginyam tu'u-tu'u pombolum, asar ihkam tehtep tombok segah hihco umba Tuhan.

IBRANI 10:23

Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

PONGORINAH 2:5

Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.