RUMA 11:20 - BOWOT BOHUA

²⁰ Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

RUMA 11:20 ပူးပေါင်းရင်းမြစ်များ

LUKAS 18:14

‘‘Porocayarih,’’ hion Yesus, ‘‘aang ohkot buli nokuh lohpou ponagih pajak orih ijo tonorima Pohotala, tutang bohkon ulun Parisi rih. Tului nyinong ulun ijo ngondiang aropoh ahkan tongopinda; tutang nyinong ulun ijo ngopinda aropoh ahkan tonongahtang.’’

KESAH RASUL-RASUL 18:6

Tahpi tului ulun-ulun rih toturus ih ngolawan tutang nosalan auhoh, mahka Paulus hobirik korawu tahkan hahtiuoh kolou kahta ahkan ngingat iro umba kosalan'ndo. Paulus nuhtui, ‘‘Amat ihkam colahka, kosalan'kam bongom! Ahku borasih tahkan ang orih! Nopara uhuntuh ahku ahkan tulak nokuh ulun-ulun bohkon Yahudi.’’

RUMA 11:18

Bain tului orih, ara ihkam ngohu eteng iro ijo jari tonohtok kolou da'an rih. Ihkam harus ingat ijo ihkam tihkas da'an ih. Tutang eamoh da'an ijo nonga ukun ahkan uhat, molekan uhat ijo nonga ukun ahkan da'an.

RUMA 11:21

Tului amat Pohotala eam komo sayang ahkan ndian ulun Yahudi, ijo kolou da'an-da'an asli rih, ara ngohu Io ahkan komo sayang ahkan ndian Konduang!

RUMA 12:16

Bolum rukun ihco umba 'jobohkon. Ara pokarah isung ahtoi, tahpi nyama arop'kam umba ulun ijo pinda ponuotoh. Ara madu arop labih pitar tahkanumba ijo komorongoh.

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

RUMA 3:3

Tahpi koloukuwoh amat ihco kobagi ulun Yahudi eam tehen? Kuwoh, tului orih Pohotala monjadi eam tehen?

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

1 KORINTUS 15:1

Tutang huntuh, Konduang-konduang ahku kani ihkam mingat huli ahkan Kabar Hinut tahkan Pohotala ijo ahku mborihta houn ahkan ihkam. Ihkam norimaoh tutang porocaya ahkan Kristus kotului Kabar Hinut rih.

1 KORINTUS 16:13

Kohondakrih ihkam borondong tutang segah ang pombolum'mu kolou ulun Kristen. Nguanaang hawui bohanyi tutang jadi ba'as.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

2 KORINTUS 10:5

tutang polukang benteng-benteng kojuhu ijo tonombok, ahkan molawan pongotaan tohou Pohotala. Ihkai nawan tiruk ulun-ulun, tutang nguan iro monyorah nokuh Kristus.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

2 TESALONIKA 2:4

Honong bojuhu io ahkan molawan tutang ngoisung arop-Oh, ang ngosan paring ijo tonyembah bain ulun, ata'ai paring hotala ijo iro ngohuoh Pohotala bain kolunon. Dahang io ahkan tuot ang luwang Lohpou Pohotala tutang momborihta ijo Io anairih pohotala.

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 3:19

Huntuh ihto horahti ijo iro eam dahpot nyolong, tului iro eam porocaya umba Pohotala.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

IBRANI 4:6

Jadi iro ijo pahtu-pahtuk-Oh ngonih borihta tohou Kabar Hinut rih, eam norima tondobo'o rih, kotului iro eam porocaya. Amat kolouorih jadi tarang, ijo anai ulun-ulun bohkon, ijo tou norima kotondobo'o rih.

YAKOBUS 2:19

Ihkam porocaya ijo Pohotala tihkas ihco, kowa? Nah, roh-roh ja'at ka porocaya tutang iro kitik genjeh mihkoh!

YAKOBUS 4:6

Oluka kolourih, pononganasi Pohotala ijo tononga ahkan ihto labih ba'as, tahkanumba kojolik-kojolik roh ihto rih. Orihrih kotuluioh ang luwang Surat Borasih tonyurat ka'a, ‘‘Pohotala ngolawan ulun ijo bojuhu, tahpi sobalikoh, Io ngasih ulun ijo randah ahtoi.’’

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.

1 PETRUS 5:9

Lawan io umba koporocaya ijo segah, tului ihkam kota'an ijo konduang-konduang sosama Kristen bohkonoh, ang sohopus kolunon ka'a ngarot kolou ihkam.

PONGORINAH 18:7

Tongarih ahkaioh kongarot tutang koporosahtoi, ijo sama karoioh umba kohajoi tutang kolobienoh ijo tonongaoh ahkan aropoh bongoi. Tului io hototurus iou nuhtui umba aropoh, ‘Ahku tuh lahtu ijo momoretah! Ahku tuh eam balu; ahku eam ahkan nyuru kokarotahtoi!’

PONGORINAH 3:17

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.