RUMA 11:18 - BOWOT BOHUA

¹⁸ Bain tului orih, ara ihkam ngohu eteng iro ijo jari tonohtok kolou da'an rih. Ihkam harus ingat ijo ihkam tihkas da'an ih. Tutang eamoh da'an ijo nonga ukun ahkan uhat, molekan uhat ijo nonga ukun ahkan da'an.

RUMA 11:18 ပူးပေါင်းရင်းမြစ်များ

MATEUS 26:33

Petrus nuhtui umba Yesus, “Nauhoh paring ijo bohkonoh nohtah Amai, ahku samasino eam!”

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 4:22

Ihkam ulun Samaria nyembah ijo eam ihkam ngosonooh, tobalikoh ihkai ulun Yahudi nyembah Io ijo ihkai ngosonooh, tului kosolamatan lombut tahkan ulun Yahudi.

KESAH RASUL-RASUL 25:7

Kotihka Paulus johcok, ulun-ulun Yahudi ijo jari lombut tahkan Yerusalem tombok ang kodiling io, tutang nopara nyurung kadu-kadu ijo bahat toharepoh. Tahpi iro eam duon nongabukti kadu-kadu rih.

RUMA 11:20

Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

RUMA 3:27

Bain kotului orih eam anai hino alasan, bagi ihto ahkan tama-tamam. Ombai kodorih? Inonrih, kotului ihto nguan ijo tomihtik a'ang hukum agama Yahudi? Eam. Tahpi tului ihto porocaya.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

GALATIA 3:29

Amat ihkam ain Kristus, mahka ihkam anairih lihit Abraham. Tutang ihkam ahkan norima inon ijo tonobowot Pohotala.