RUMA 11:16 - BOWOT BOHUA

¹⁶ Amat ihcokohiris luhte ijo pahtuk rih jari tononga ahkan Pohotala, orih rimaioh sohapus luhteoh tononga ahkan Pohotala ka'a. Tutang amat uhat pu'un kahju anai ain Pohotala, orih rimai da'ai-da'aioh anairih ain Pohotala ka'a.

RUMA 11:16 ပူးပေါင်းရင်းမြစ်များ

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 8:23

Tutang eamoh sohopus kolunon bewe ijo ngorunguh; ihto bongon ka ngorunguh ang luwang homboruan'to. Ihto jari norima Roh Pohotala, kolou ponongan Pohotala ijo pahtukoh, tahpi ihto magun ka'a ngindoi Pohotala nguwat arop ihto paringoh, tutang ngonjorian ihto monjadi anak-anak-Oh.

1 KORINTUS 7:14

Tului bosai ijo eam porocaya Kristus, mangat tou monjadi ukup ain Pohotala, tului pongawin iro umba oruhoh ijo jari monjadi ukup Pohotala. Kodorih ka'a oruhoh ijo eam porocaya mangat tou monjadi ukup ain Pohotala, kotului pongawin iro umba bosaioh ijo jari monjadi ukup ain Pohotala. Amat eam kodorih, anak-anak iro monjadi kolou anak-anak ulun kapir, podahal anak-anak orihrih tongohu kolou ukup ain Pohotala.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.