RUMA 11:14 - BOWOT BOHUA

¹⁴ Ahku moharap ahku dahpot polombut hiri ahtoi aang uhtus aik bongok, mangat umba jalan orihrih ahku duon nyolamat ihcokobagi tahkan iro.

RUMA 11:14 ပူးပေါင်းရင်းမြစ်များ

RUMA 10:19

Ahku ngisok hino. Kuwoh uhtus Israel jaha iro ngota'aioh? Nauh pokisok orih ijo pahtuk-pahtukoh tonumbah bain Museh. Museh nuhtui, ‘‘Koloutuh hion Pohotala, ‘Ahku napa ihkam bohiri ahtoi umba ihco uhtus ijo bohkon ukup, tutang Ahku ahkan napa ihkam bosingi toharep ihco uhtus ijo uong!’ ’’

RUMA 11:11

Ahku ngisok hino. Kotihka ulun Yahudi nyahtu, kuwohrih rih nyolung mangat iro luhtek? Samasino eam! Tahpi tului iro bodusa, mahka uhtus bohkon malah tonyolamatoh, nyiring kotuluioh ulun Yahudi hiri ahtoioh toharep uhtus bohkon rih.

RUMA 9:3

tului Konduang-konduang'ku ijo 'coutus umba ahku. Tului ahkan iro ahku bongok rela tonulat bain Pohotala tutang hopisah tahkan Kristus.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 7:16

Tului Konduang kolou oruh – ijo jari porocaya umba Tuhan – koloukuwoh Konduang tou kota'an honong pasti ijo Konduang eam duon nyolamat bosai'kam? Kodorih ka'a Konduang kolou bosai ijo Kristen, koloukuwohoh tou kota'an honong pasti ijo Konduang eam duon nyolamat oruh'kam?

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

1 TIMOTEUS 2:4

Io kani, mangat paring ulun tonyolamat, tutang ngota'an ijo morong.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

TITUS 3:5

Io monyolamat ihto, eam kotului ihto jari nguan aang'co ijo pios, molekan kotului Io bongoi mongasihan ihto. Io nyolamat ihto nguha Roh Pohotala, ijo nonga ihto konanak bohua, tutang bolum bohua, umba jalan muhi kosalan ihto.

PILEMON 1:12

Uhuntuh ulun ijo ahku mongasihoh rih, ahku ngirim hoduli ahkan'mu.

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

YAKOBUS 5:20

ingat auh ayat tuh: Ulun ijo ngomin ulun bodusa ngulos tahkan jalaioh ijo sala, ulun rih nyolamat homboruan ulun bodusa rih, tahkan popahtoi, tutang kotuluioh aro dusa tonapunoh. Horomat ihkai, Yakobus