RUMA 10:9 - BOWOT BOHUA

⁹ Tului amat Konduang ngahku honong nyaman'kam ijo, ‘‘Yesus rih Tuhan,’’ tutang Konduang porocaya luwang ahtoi'kam, ijo Pohotala jari mombolum Kristus Yesus tahkan popahtoi mahka Konduang ahkan solamat.

RUMA 10:9 ပူးပေါင်းရင်းမြစ်များ

LUKAS 12:8

‘‘Ingat tu'u-tu'u: Ulun ijo ngahkuoh ang tohimo ulun aro tului io murid-Ku, io ahkan tomongahku ka'a bain Anak Ulun ang tohimo molehkat-molehkat Pohotala.

YOHANES 9:22

Inai-amai ulun orih nuhtui kodorih, kotului iro mihkoh umba dolang okon Yahudi; kotului iro rih jari pahkat, iai ulun ijo ngahku Yesus kolou Lahca Ponyolamat, eam tou hino nyolong nokuh lohpou sombayang.

KESAH RASUL-RASUL 16:31

Paulus tutang Silas mutah, ‘‘Porocayarih, umba Tuhan Yesus! Ihko ahkan solamat – ihko tutang paring ulun ijo ang lohpou'mu!’’

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

KESAH RASUL-RASUL 8:36

Ang beteng jalan iro johcok ihco unuk ijo tohko danumoh. Pogawai isung rih nuhtui, ‘‘Topahjah orih anai danumoh! Inon hino ijo magun kurang ahkan mopondus ahku?’’ [

RUMA 10:10

Tului honong ahtoioh ulun porocaya, nyiring Pohotala norima io kolou ulun ijo hokopios umba Pohotala. Tutang honong nyamaioh ulun ngahku, nyiring io tonyolamat.

RUMA 14:11

Ang luwang Surat Borasih tonyurat, ‘‘Tu'u-tu'u,’’ hion Tuhan ‘‘Nyino-nyinong ulun ahkan bosembah sujud ang toharep-Ku; tutang nyinong ulun ahkan mongahku ijo Ahku tuh Tuhan, Pohotala.’’

RUMA 14:9

Kristus ius mahtoi tutang bolum hoduli. Orih kotuluioh Io monjadi Tuhan ahkan ulun-ulun ijo bolum tutang ka'a ahkan ulun-ulun ijo jari mahtoi.

RUMA 4:24

tahpi ka'a ahkan ihto. Ihto ka'a ahkan tonorima monjadi ulun ijo ngojorih ahtoi Pohotala, kotului ihto porocaya ahkan Pohotala ijo mombolum Yesus Tuhan ihto, tahkan popahtoi.

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

1 KORINTUS 12:3

Ihkam harus kota'an, ijo ulun, ijo toniting Roh Pohotala eam tou nuhtui, ‘‘Tonulutrih Yesus!’’ Kodorih ka'a eam ihcobehti ka duon nuhtui, ‘‘Yesus rih Tuhan!’’ Amat ulun rih eam toniting Roh Pohotala.

PILIPI 2:11

Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 YOHANES 4:15

Ia-iai mongahku ijo Yesus rih Anak Pohotala, Pohotala bolum hihco umba ulun rih, tutang ulun rih ka'a bolum hihco umba Pohotala.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.