RUMA 10:6 - BOWOT BOHUA

⁶ Tahpi tohou cara ulun hokopios umba Pohotala hogalangoh koporocaya ahkan Pohotala. Surat Borasih monuhtuioh koloutuh, ‘‘Eam porulu ihko nuhtui ang luwang ahtoi'mu, ‘Iairih ijo ahkan nuhkat nokuh soruga?’ (rimaioh ngomin Kristus mosuluh),

RUMA 10:6 ပူးပေါင်းရင်းမြစ်များ

YOHANES 6:33

Tului luhte ijo tononga Pohotala anai rih, Io ijo mosuluh tahkan soruga tutang nonga pombolum ahkan ulun ang kolunon.’’

YOHANES 6:38

Tului Ahku mosuluh tahkan soruga, bohkon ahkan nguanoh konohuang bongon, molekan konohuang Io ijo nyuhu Ahku.

YOHANES 6:58

Tuhrih luhte ijo nosuluh tahkan soruga: eam luhte kolou ijo ukun tahtu ajuh'mu. Kotului uli kuman luhte orih, iro mahtoi ka'a. Tahpi ulun ijo kuman luhte tuh ahkan bolum nyiring turus-jaham.’’

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 4:13

Pohotala nobowot ahkan Abraham tutang litingoh, ijo kolunon tuh ahkan monjadi ain Abraham. Pohotala hobowot kodorih, eam kotului Abraham te'et umba hukum agama Yahudi, tahpi kotului io percaya umba Pohotala; nyiring io tonorima bain Pohotala monjadi ulun ijo ngojorih ahtoi Pohotala.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.