RUMA 10:4 - BOWOT BOHUA

⁴ Hukum agama ius pononggenap bain Kristus. Jadi nyinong ulun ijo porocaya umba Kristus, kohihcooh umba Pohotala monjadi pios hoduli.

RUMA 10:4 ပူးပေါင်းရင်းမြစ်များ

MATEUS 3:15

Tahpi Yesus muhtah, “Nauhoh ih ahkan uhuntuh tului umba kolouorih ihto jari nguan paring ijo tongohondak Pohotala.” Jadi Yohanes mopondus Yesus.

YOHANES 1:17

Hukum Tuhan ihto torima nguha Museh. Tahpi kasih tutang kotehen Pohotala tongorinah nguha Yesus Kristus.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

GALATIA 3:24

Honong kodorih hukum agama monjadi kolou pongawas ihto, johcok Kristus lombut, ahkan nguan ihto hokopios hoduli umba Pohotala, kotului ihto porocaya umba Yesus Kristus.

GALATIA 4:5

Honong kodorih, Io momorodehka ulun-ulun ijo bolum ang pinda kowasan hukum agama; mangat ihto ka dahpot monjadi anak-anak Pohotala.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

KOLOSE 2:17

Paringoh rih tihkas kokolingon iou, tahkan hal-hal ijo ahkan lombut, tahpi korinah tahkan hal-hal rih, iorih Kristus.

IBRANI 10:14

Jadi umba ihco porahpah, Kristus nyoporuna ulun-ulun, ijo jari tonomuhioh tahkan dusa.