RUMA 1:9 - BOWOT BOHUA

⁹ Ahku toturus mingat ihkam amat ahku bodo'a. Pohotala nyaksioh, ijo inon ijo ahku nuhtui rih morong. Iorih Pohotala ijo ahku mohaluoh ang kotuwi ahtoi, hawui mborihta Kabar Hinut tohou Anak-Oh.

RUMA 1:9 ပူးပေါင်းရင်းမြစ်များ

MARKUS 1:1

Tuhrih Kabar Hinut tohou Yesus Kristus, Anak Pohotala.

LUKAS 18:1

Uliorih Yesus monyorihta ihco porobasa ahkan majar murid-murid-Oh mangat'ndo hototurus bodo'a tutang a'ai putus asa.

KESAH RASUL-RASUL 12:5

Jadi Petrus tonahan ang sipir; tahpi anak ukup toturus iou bodo'a umba kotu'un ahtoi'ndo ahkan Tuhan nihtu Petrus.

KESAH RASUL-RASUL 19:21

Uliumba kojodian-kojodian orih, Paulus nuhkas ahkan tulak nokuh Makedonia tutang Akhaya turus hototurus nokuh Yerusalem. ‘‘Uliumba nokuh anan,’’ hion Paulus, ‘‘ahku harus tulak nokuh Ruma ka'a.’’

KESAH RASUL-RASUL 24:14

Puna ahku harus mongahkuoh umba Tuan, ijo ahku nyembah Pohotala tahtu ajuh ihkai numbun ajaran Yesus ijo iro ngohuoh sala. Tahpi ahku magun porocaya ahkan paringoh ijo tonyurat ang luwang Buhku Museh tutang Buhku Nabi-nabi.

KESAH RASUL-RASUL 27:23

Tului ngolomi nanai molehkat tahkan Pohotala ijo ahku nyembah, iorih Pohotala ijo tepun ahku, lombut nokuh ahku.

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

RUMA 9:1

Inon ijo ahkan ahku nuhtuioh tuh, anairih morong, tului ahku ain Kristus. Ahku eam bobula. Ahtoi bua'ku ijo toniting bain Roh Pohotala, moyahkin ahku ka'a, ijo tuhtui'ku rih morong.

2 KORINTUS 1:23

Pohotala saksi aik'ku – tului Io taan usin ahtoi aik'ku – ijo ahku eam jadi tulak nokuh Korintus, kotului ahku eam kani nguan ahtoi'kam sedih.

2 KORINTUS 11:31

Pohotala, Amai tahkan Tuhan Yesus kota'an, ijo ahku eam bobalik. Tonotara Arai-Oh turus-jahamoh.

GALATIA 1:20

Inon ijo ahku nyurat tuh puna morong. Pohotala ta'an ijo ahku eam bobalik!

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

PILIPI 1:3

Nyinong tikat ahku ingat umba ihkam, ahku ngohawot torimakasih ahkan Pohotala.

PILIPI 1:4

Tutang nyinong tikat ahku bodo'a ahkan Konduang paringoh, ahku bodo'a honong sanang ahtoi.

PILIPI 2:22

Ihkam bongom ius nohto buktioh ijo Timoteus boguna. Io ius bogawi paham homboh ahku, ahkan mborihta Kabar Hinut tahkan Pohotala. Ihkai duo kolou anak umba amai iou.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

1 TESALONIKA 1:2

Ihkai toturus norimakasih ahkan Pohotala, tului Konduang paringoh. Nyinong tikat ihkai bodo'a ahkan Pohotala tutang, Amai ihto, ihkai toturus mingat ihkam. Ihkai toturus mondo'akan'kam. Ihkai ngingat koloukuwoh ihkam pokarah a'ang konuan, ijo ihkam porocaya ahkan Kristus, koloukuwoh ihkam ngasi ulun bohkon nyiring mohalu iro. Tutang koloukuwoh ihkam boharap honong tehen ahkan Tuhan ihto Yesus Kristus.

1 TESALONIKA 3:10

Hondou ngolomi ihkai nyawot umbaroh, honong kotuwiahtoi, mangat ihkai dahpot hosombang bongon umba ihkam, ahkan monyukup inon ijo ihkam poruluoh ahkan porocaya ahkan Kristus koloukuwoh kopahtutoh.

1 TESALONIKA 5:17

tutang bodo'a hototurus.

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

2 TIMOTEUS 1:3

Ahku ngohawot torimakasih ahkan Pohotala, ijo ahku mohaluoh umba ahtoi-bua ijo borasih, kolou ijo konuan tahtu ajuh'ku ijo lomoi. Ahku toturus ngohawot torimakasih ahkan Pohotala, nyinong tikat ahku mingat ihko ang do'a, pios hondou kanika ngolomi.

PILEMON 1:4

Nyinong tikat ahku bodo'a ahku ngohawot aran Konduang tutang ngohawot torimakasih ahkan Pohotala.