RUMA 1:4 - BOWOT BOHUA

⁴ tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

RUMA 1:4 ပူးပေါင်းရင်းမြစ်များ

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

RUMA 1:3

Kabar Hinut rih tohou Anak Pohotala, Tuhan ihto Yesus Kristus. Socara kolunon Io anairih lihit Dawid,

2 KORINTUS 13:4

Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

2 PETRUS 1:21

Tului eam pu'u, pohtoh tahkan Pohotala tomborihta tihkas numbun konohuang ulun. Tahpi Roh Pohotala mongowasa ulun rih, ahkan monyiar pohtoh tahkan Pohotala bongoi.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.