RUMA 1:11 - BOWOT BOHUA

¹¹ Tului ahku jolik samasino hosombang umba ihkam, mangat ahku duon mbagi umba ihkam, pononga tahkan Roh Pohotala ahkan ngoba'as ihkam.

RUMA 1:11 ပူးပေါင်းရင်းမြစ်များ

KESAH RASUL-RASUL 16:5

Mahka anak-ukup rih tambah ba'as koporocayaoh tutang nyinong ondou turus botambah aro jumbalahoh.

KESAH RASUL-RASUL 19:21

Uliumba kojodian-kojodian orih, Paulus nuhkas ahkan tulak nokuh Makedonia tutang Akhaya turus hototurus nokuh Yerusalem. ‘‘Uliumba nokuh anan,’’ hion Paulus, ‘‘ahku harus tulak nokuh Ruma ka'a.’’

KESAH RASUL-RASUL 19:6

Tutang aang ohkot Paulus ngina longoioh ang ngosan iro, Roh Pohotala ngowasa iro, turus iro nopara ngohawot bahasa ijo helan, hawui monuhtui borihta tahkan Pohotala.

RUMA 1:12

Konohuang'ku iorih, tului ihto sama-sama jari porocaya umba Yesus Kristus, mahka ihto dahpot saling hokomba'as.

RUMA 15:23

Tahpi huntuh karon-gawik'ku ang daerah-daerah rih jari opah. Botoun-toun kotahiu ahku jolik masap ihkam.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

RUMA 15:32

Honong kolouorih, amat Pohotala bokohondak, ahku dahpot lombut nokuh ihkam, hawui ahtoi ijo sanang. Tutang ahku ahkan nginyam toapung ang tohun ihkam.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

2 KORINTUS 1:15

Tului koyakinan orihrih, mahka ahku aang pahtukoh borocana ahkan masap ihkam, mangat ihkam dahpot borehkat duo tikat.

2 KORINTUS 1:21

Pohotala bongoi ijo nguan ihkai, tutang Konduang segah hihco umba Kristus: Iorih ka'a ijo mitih ihto khusus ahkan arop-Oh.

2 KORINTUS 11:4

Kotului kolouoh ihkam sanang iou, norima ulun ijo lombut ahkan'kam, tutang majar tohou Yesus ijo bohkon – eam Yesus ijo ihkai pokosonooh ahkan'kam. Tutang ihkam kani ka'a nyambut roh tutang ‘‘Kabar Hinut’’ ijo samasino hokobohkon umba Roh Pohotala tutang Kabar Hinut ijo pu'u ihkam norimaoh tahkan ihkai.

2 KORINTUS 9:14

Mahka iro ahkan mondo'akan ihkam umba nanyam kasihsayang, tului Pohotala karas hinut ahtoi ahkan'kam.

PILIPI 1:8

Pohotala kota'an ijo ahku tu'u-tu'u rindu sino umba'kam, umba nanyam kasih-mesra tahkan Kristus Yesus bongoi.

PILIPI 2:26

Io rindu sino umba Konduang paringoh, tutang io, gelisah, kotului ihkam jari dahpot kabar ijo io mondam.

PILIPI 4:1

Tului orih, Konduang-konduang'ku ijo tonokasih, kolouorih hondakoh ihkam bolum hawui tu'u-tu'u porocaya umba Tuhan. Ahtoi'ku rindu umba'kam! Ihkam monamam ahku ijo nguan ahku jorih.

1 TESALONIKA 3:13

Honong kodorih Tuhan ahkan ngomba'as ahtoi'kam, nyiring ihkam borasih, tutang eam aro kosalai ang toharep Pohotala, Amai ihto, ang ohkot Tuhan ihto Yesus Kristus lombut homboh paring ulun ijo monjadi Aiu-Oh.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

2 TESALONIKA 3:3

Tahpi Tuhan sotia. Io ahkan ngomba'as ihkam tutang nolawang ihkam tahkan Si Ja'at.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.

2 PETRUS 1:12

Tului orih, ahku toturus nonga mopingat'kan ihkam tohou hal kolourih, oluka ihkam ius ngota'aioh tutang porocaya samasino ahkan ajaran tahkan Pohotala ijo jari ihkam torima rih.