RUMA 1:1 - BOWOT BOHUA

¹ Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 1:1 ပူးပေါင်းရင်းမြစ်များ

MARKUS 1:14

Uliorih Yohanes ponosolong ang sipir, Yesus tulak nokuh Galilea, tutang nyiar Kabar Hinut tahkan Pohotala ang anan.

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 15:20

Ingatlah inon ijo jari Ahku nuhtui ahkan'kam, ‘Jihpon eam labih hajo tahkan tepuioh.’ Amat iro jari ngarana Ahku, iro ahkan ngarana ihkam ka'a. Amat iro numbun auhajar-Ku iro ahkan numbun ajaran ihkam ka'a.

KESAH RASUL-RASUL 13:9

Tahpi Saulus – ijo konohawot ka'a Paulus – konowasa bain Roh Pohotala, nyiring io nopahjah okon sihir rih,

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:40

Mahka uli Paulus tononga poromisi pander, Paulus tombok ang lapathejan turus nonga tanda umba longoioh. Paring ulun uras benyem. Pongohuli Paulus hopander umba iro hapan bahasa Ibrani. Paulus nuhtui,

KESAH RASUL-RASUL 22:21

Tahpi Tuhan nuhtui hino umba ahku, ‘Tulakrih iou, tului Ahku ahkan nyuhu ihko tulak nokuh unuk ijo mahcu ahkan ulun-ulun bohkon uhtus Yahudi.’ ’’

KESAH RASUL-RASUL 22:7

Ahku botahak nokuh tana, turus ahku ngonih ihco auh nuhtui umba ahku, ‘Saulus! Saulus! Ombai ihko ngosingon Ahku?’

KESAH RASUL-RASUL 26:1

Agripa nuhtui umba Paulus, ‘‘Ihko tongijin bopander mangat mombela arop'mu.’’ Mahka Paulus ngahtang longoi turus monyapaioh belaanoh kolou pongotuh,

KESAH RASUL-RASUL 26:14

Ihkai paringoh botahak nokuh tana. Turus ahku ngonih auh nuhtui ahkak'ku, ang luwang bahasa Ibrani, ‘Saulus, Saulus! Ombai ihko toturus iou ngoporos Ahku? Ihko ahkan nginyam koporos bongom, amat ihko turus iou molawan ponambit-Oh, ijo monjadi Tuhan'kam.’

KESAH RASUL-RASUL 27:23

Tului ngolomi nanai molehkat tahkan Pohotala ijo ahku nyembah, iorih Pohotala ijo tepun ahku, lombut nokuh ahku.

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 1:9

Ahku toturus mingat ihkam amat ahku bodo'a. Pohotala nyaksioh, ijo inon ijo ahku nuhtui rih morong. Iorih Pohotala ijo ahku mohaluoh ang kotuwi ahtoi, hawui mborihta Kabar Hinut tohou Anak-Oh.

RUMA 11:13

Tahpi huntuh piosrih ahku bopander umba Konduang-konduang ijo bohkon uhtus Yahudi! Kotahin tuh, kolou rasul ahkan uhtus-uhtus ijo bohkon Yahudi, ahku paham ngahtang isung tugas'ku.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

RUMA 16:18

Tului ulun-ulun ijo nguan kodorih bohkonoh bogawi ahkan Kristus Tuhan ihto, molekan ahkan momeda kojolikahtoi'ndo bongoi. Honong bujukan tutang tuhtui ijo manih-monyak iro nihpu ulun-ulun ijo eam ngota'an ino-inon.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 1:1

Konduang-konduang ukup Pohotala ang Korintus! Konduang jari tona'ah bain Pohotala ahkan monjadi ukup-Aiu, kobain Konduang ain Yesus Kristus, hombo-homboh paring ulun ang umoh ka'a ijo nyembah Tuhan ihto Yesus Kristus, iorih Tuhan iro tutang Tuhan ihto ka'a. Ahku, Paulus, tutang konduang ihto Sostenes, harap, keleh Pohotala, Amai ihto, tutang Tuhan Yesus Kristus nonga borehkat tutang kosanang komangat ahkan'kam. Ahku nyurat surat tuh, kolou rasul Kristus Yesus, ijo ponotuot bain Pohotala bongoi tutang kobain konohuang-Oh ka'a.

1 KORINTUS 9:1

Eamkah ahku ulun morodehka? Eamleh ahku tuh rasul? Kuwoh ahku jaha pu'u nohto Yesus, Tuhan ihto? Kuwoh ihkam eam bua gawik'ku ahkan Tuhan?

2 KORINTUS 1:1

Konduang-konduang ukup Pohotala ang Korintus, tutang sohopus ukup ain Pohotala ijo anai ang Akhaya. Ahku, Paulus, rasul Kristus Yesus ijo tonotuot tului kohondak Pohotala, hombo-homboh umba konduang ihto Timoteus,

2 KORINTUS 11:5

Ahku samasino eam komo labih randah tahkan ‘‘rasul-rasul’’ ijo luar biasa rih.

2 KORINTUS 11:7

Ang ohkot ahku mborihta Kabar Hinut tahkan Pohotala ahkan'kam, ahku eam nyawot ihkam ngupah ahku honjiot ka; tutang honong kodorih ahku nguan arop'ku monjadi randah. Ahku nguan rih unuk ngahtang'kam. Inon orih ihco kosalak'ku toharep ihkam?

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

2 KORINTUS 2:12

Ang ohkot ahku johcok ang Troas, tutang nohuang ahkan mborihta oh Kabar Hinut tohou Kristus, Tuhan jari nguap jalan ahkak'ku ahkan bogawi ang unuk rih.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

GALATIA 1:1

Konduang-konduang, ukup-ukup ang wilayah Galatia, Ahku Paulus, tutang paring konduang Kristen ijo homboh ahku, moharap, keleh Pohotala, Amai ihto tutang Tuhan Yesus Kristus nonga borehkat tutang kosanang ahkan'kam. Ahku monjadi rasul bohkon umba katuh kolunon ata'ai tului tonotuot bain ulun, molekan bain Yesus Kristus tutang Pohotala Amai ihto, ijo jari mombolum Io hoduli tahkan popahtoi.

EPESUS 1:1

Ukup Pohotala ang Epesus, ijo bokehtep umba Kristus Yesus!

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

PILIPI 1:1

Konduang-konduang ukup Pohotala, paringoh ijo mohcon ang Pilipi, tutang ijo jari hihco umba Kristus Yesus. Ka'a Konduang-konduang okon hawui pondohop ukup! Ahku, Paulus tutang Timoteus karon-jihpon Kristus Yesus,

PILIPI 2:11

Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

KOLOSE 1:1

Konduang-konduang ukup Pohotala ang Kolose ijo bokehtep hihco umba Kristus! Kolou Rasul Kristus Yesus – ngosan ponotuot Pohotala – Ahku, Paulus, hombo-homboh umba Konduang ihto Timoteus, bokoharap keleh Pohotala, Amai ihto nonga borehkat tutang kosanang ahkan ihkam.

KOLOSE 1:25

Pohotala nyuhu ahku monjadi pohalu ukup-Oh, ahkan kogunan'kam. Ahku harus monyapai borihta tahkan Pohotala, koparingoh;

1 TESALONIKA 2:2

Ihkam ta'an ijo, sounmba ihkai lombut ahkan'kam ang Tesalonika, ihkai jari tonoporos tutang tonohina ang Pilipi. Tahpi oluka, aro ulun molawan ihkai, Pohotalan ihto jari nonga ihkai kohanyi ahkan mborihta ahkan'kam Kabar Hinut ijo asar-Oh tahkanmba-Oh.

1 TESALONIKA 2:8

Tului ngasi nyayang ihkai, ihkai bosodia nonga ahkan'kam, eam iou Kabar Hinut ijo tahkan Pohotala rih, tahpi pombolum ihkai ka'a. Tului ihkai paham ngasi ihkam paring!

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TIMOTEUS 1:1

Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

2 TIMOTEUS 1:11

Ahkan mborihta Kabar Hinut orihrih Pohotala nyuhu ahku monjadi rasul tutang guru.

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.

IBRANI 5:4

Eam anai ihcobehti ka, ijo potuot aropoh bongoi, monjadi imam hajo. Ulun monjadi imam hajo, amat Pohotala na'ah io ahkan orih – sama kolou Aron.

IBRANI 7:26

Jadi, Yesus orihrih Imam Hajo ijo ihto poruluoh. Io Borasih; aang Io eam dahpot kosalan ata'ai dusa inonka. Io tongobohkon tahkan ulun-ulun ijo bodusa, tutang tongahtangrih nyiring nokuh unuk ijo labih diang tahkan kokaro langit.

YAKOBUS 1:1

Konduang-konduang ukup Pohotala paringoh ijo kosoburan ang sohapus kolunon! Tahbe tahkan ahku, Yakobus, jihpon Pohotala tutang jihpon Tuhan Yesus Kristus.

1 PETRUS 4:17

Jari johcok ohkotoh Pohotala mosara kolunon. Tutang ukup Pohotala bongoi, ijo ahkan tomosara labih houn. Nah, amat Pohotala ahkan nopara umba ihto, koloukuwohrih kojadioh noin, umba ulun-ulun ijo eam porocaya, umba Kabar Hinut tahkan Pohotala rih?

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 22:6

Turus molehkat rih nuhtui umba ahkak'ku, ‘‘Tuhtui-tuhtui tuh tu'u tutang dahpot tomorocaya. Tuhan Pohotala ijo nonga Roh-Oh ahkan nabi-nabi, jari nyuhu molehkat-Oh mangat ngorinah ahkan jihpoi-jihpoi-Oh inon ijo bojoin harus nyolung.’’

PONGORINAH 22:9

tahpi io nuhtui umba ahku, ‘‘Ara! Ara nyembah ahku! Nyembah iou Pohotala! Kotului ahku ka'a sama kolou ihko, tutang kolou konduang-konduang'mu, nabi-nabi, tutang paring ulun ijo te'et umba pohtoh-pohtoh luwang surat tuh!’’