PONGORINAH 9:4 - BOWOT BOHUA

⁴ Iro ngohana morusak uru, ata'ai pu'un-pu'un kahju, ata'ai kombulan-kombulan bohkonoh. Iro tihkas tou nyarang ulun-ulun ijo ang lihkouoh eam anai tanda segel tahkan Pohotala.

PONGORINAH 9:4 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

PONGORINAH 14:1

Pongohino ahku nohto, turus gihtan Anak Tobiri rih tombok ang isun Puruk Sion. Homboh Io anai solahtus ohpat pulu ohpat kuhjan behti, ijo aang likou nyino-nyinong tonyurat arai-Oh tutang aran Amai-Oh.

PONGORINAH 6:6

Tutang ahku ngonih angihco ijo konahan kolou auh ijo na'ah, tahkan tohun-tohun koohpat angbolum rih. Auh rih nuhtui, ‘‘Ihco liter gandum, ijo pios boregai ahkan upah ihcoondou, tutang tolu liter gandum mahcam bohkon ijo borega upah ihcoondou ka'a. Tahpi ara morusakoh pu'un-pu'un zaitun tutang pombulan anggur!’’

PONGORINAH 7:1

Uliorihrih, ahku nohto ohpat behti molehkat tombok ang koohpat puhting tana. Iro monahan koohpat mahtan bahiu ang tana, mangat ara anai bahiu ijo nahpi ang isun tana, ata'ai ang tasik, ata'ai ang pu'un-pu'un kahju.

PONGORINAH 8:7

Molehkat pahtuk mopos sorunaioh, mahka uhjan es tutang baho sampur daha boduruh hawui pahamoh nokuh ngosan tana. Ihco pertolu tana opah bosaha, kolourih ka'a ihco pertolu tahkan pu'un-pu'un kahju, tutang nyinong uru ijo bohijou.