PONGORINAH 9:21 - BOWOT BOHUA

²¹ Iro eam hino nohtah, gawin-gawin iro ijo ja'at, iorih pomunu, ilmu-ilmu seher, nyundal tutang ponahkou.

PONGORINAH 9:21 ပူးပေါင်းရင်းမြစ်များ

MATEUS 15:19

Kotului tahkan ahtoi lombut tiruk-tiruk ja'at, ijo kotuluioh ulun munu, hobandung, nguan kihal, nahkou, nonga saksi alik tutang mopitnah injahoh.

2 KORINTUS 12:21

Ahku mihkoh amat-amat aang ohkot ahku lombut noin Pohotala ahkan porandah ahku ang toharep'kam, tutang ahku ahkan nangih tului aro, ang louk ihkam ijo bodusa lomoi, eam hubah tutang eam tondo nguan gawin-gawin iro ijo kihal, kojilok tutang eam pantas.

GALATIA 5:20

aang nyembah songiangdewa tutang koruhoi, a'ang bomusuh-musuh, hokolahi, hokobohu, jeleng bosingi, tutang kogunan aropoh bongoi; kopusit tutang bopihak-pihak,

PONGORINAH 13:13

Ohcin ijo koduo rih, nguan tandahelan-tandahelan ijo hajo. Ang husuk paring ulun, io napa baho mosuluh tahkan langit nokuh tana.

PONGORINAH 13:15

Ohcin ijo koduo rih, tongoduonoh nonga hasong ahkan kopahtung rih, nyiring kopahtung rih dahpot bopander, tutang munu paring ulun ijo eam kani nyembahoh.

PONGORINAH 13:7

Io tihkastou ka'a molawan ukup Pohotala hawui ngalah iro. Tutang kokowasa ngosan paring lihting nogara, basa, tutang uhtus tononga ahkaioh.

PONGORINAH 14:8

Molehkat koduo ngohasu molehkat ijo pahtuk sambil na'ah, ‘‘Jari ngonyahtu! Lowu Babel ijo hajo jari ngonyahtu! Io jari nguan karo uhtus monjadi busou umba danum anggur – yorih tahkan bolai kihaloh!’’

PONGORINAH 16:6

Iro jari nusuh dahan ukup Pohotala, tutang dahan nabi-nabi, huntuh Ihko nguan iro ngorih daha. Puna kopahtutrih rih ahkan iro!’’

PONGORINAH 17:2

Lahca-lahcan kolunon nguan nyundal umba io, tutang ijo mohcon ang tana monjadi bobusou, kotului ngorih anggur kosundaloh.’’

PONGORINAH 17:4

Ulunbawi rih hapa baju ijo warna ungu tutang bohandang botuo, hawui tonawas umba pokahjan-pokahjan bulou, poromata-poromata tutang itan. Ang longoioh, io nambit pikan bulou ijo tuwi umba hal-hal kojilok, tutang koja'at, bua tahkan kosundaloh.

PONGORINAH 17:5

Aang likouoh tonyurat ihco aran, ijo anai rimai ijo bosuhuk. Aran rih iorih, ‘‘Babel Ijo hajo, inai paring sundal tutang ulun bijat ang kolunon.’’

PONGORINAH 18:3

Kotului kokaron uhtus jari ngorih anggur kojorikbalai ponyundalanoh. Lahca-lahcan kolunon nguan sundal umbaoh, tutang podagang-podagang ang tana monjadi tahtou bain kojolikbolaioh ijo eam duon tongondalioh.’’

PONGORINAH 19:2

Pomosara-Oh adil tutang bijaksana! Io jari ngonyahtu hukum-Oh ngosan sundal ijo hajo ijo morusak kolunon umba kosundaloh. Pohotala jari mohukum sundal rih, tului io munu jihpon-jihpon Pohotala.’’

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.

PONGORINAH 9:20

Tahpi putan ukup kolunon ijo eam tomunu bain porusak-porusak rih ka, eam hino nohtah gawin longon iro bongoi. Iro eam tondo nyembah roh-roh ja'at tutang dewa-dewa bulou, perak, tombaga, bahtu tutang kahju ijo eam dahpot nohto ata'ai ngonih, ata'ai ka nyalan.