PONGORINAH 9:2 - BOWOT BOHUA

² Mahka potion rih nguap lowun popahtoi rih, turus asop soluka tahkan luwangoh kolou asop tahkan dahpur hajo. Mahtanondou tutang angkasa monjadi pindong bain asep tahkan lobohurih.

PONGORINAH 9:2 ပူးပေါင်းရင်းမြစ်များ

KESAH RASUL-RASUL 2:19

Ahku ahkan nguanoh kahtahelan-kahtahelan ang diang ahi aang langit, tutang hal-hal ijo luar biasa ang pinda ohtoi ang tana; ahkan anai daha tutang ahpui, sopuluk tutang asep.

PONGORINAH 14:11

Asop tahkan baho ijo monyiksa ulun-ulun rih, ahkan nyolobuwuk hototurus ahkan turus-jahamoh. Hondou, ngolomi, eam anai tondo-tondooh, iro tonosiksa yorih, iro ijo nyembah ohcin rih tutang pahtungoh, paring ulun ijo anaingina tanda aran ohcin rih.’’

PONGORINAH 16:10

Turus molehkat ijo kolimo nusuh suang kondarahoh nokuh pododusan ohcin rih. Mahka sohopus pododusan ohcin rih monjadi pindong, tutang ulun mongirut jola tului koporos.

PONGORINAH 8:12

Turus molehkat koohpat mopos sorunaioh. Mahka bokiwak sepertolu tahkan mahtanondou, sepertolu tahkan potion-potion, nyiring dilap sepertolu tahkan koba'as koloang iro. Ka'a sepertolu tahkan hondou eam boloang tutang kolourih ka'a sepertolu tahkan ngolumi.

PONGORINAH 9:1

Turus molehkat kolimo mopos sorunaioh, tutang ahku nohto ihco potion ngonyahtu tahkan langit kongosan tana. Potion rih tononga kuhci lowun popahtoi.

PONGORINAH 9:11

Iro anaingina lahca ijo moretah iro, tutang lahca rih, iorih, molehkat ijo botanggung-jawab ngosan lowun popahtoi. Konohawotoh ang a'ang bahasa Ibrani, iorih Abadon; tutang ang a'ang bahasa Yunani konohawot Apolion (ijo rimaioh ‘‘Porusak!’’).

PONGORINAH 9:17

Tutang a'ang pongorinah rih, ahku nohto kuda-kuda rih, tutang ponunggang-ponunggangoh. Ponunggang-ponunggangoh hapa baju bosi ijo warna bohandang ngonjolak, biru kolou bahtu nilam, tutang hendan sandawa. Kuhung kuda-kuda rih, kolou kuhung singa, tutang ang nyamaioh soluka baho, asop tutang sandawa.