PONGORINAH 9:1 - BOWOT BOHUA

¹ Turus molehkat kolimo mopos sorunaioh, tutang ahku nohto ihco potion ngonyahtu tahkan langit kongosan tana. Potion rih tononga kuhci lowun popahtoi.

PONGORINAH 9:1 ပူးပေါင်းရင်းမြစ်များ

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

LUKAS 8:31

Roh ja'at rih nyawot honong paham, mangat Yesus ara muko iro nokuh luwang Lowong Popahtoi.

RUMA 10:7

ata'ai, ‘Iairih ijo mosuluh nokuh tana unuk ulun mahtoi?’ (Rimaioh ngahtang Kristus nuhkat tahkan popahtoi).’’

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 1:20

Tuhrih rahasia tahkan pihtu potion ijo ihko nohto ang longon kotouk-Ku, tutang tahkan pihtu owuh sumbu bulou, orih: Pihtu potion rih iorih molehkat-molehkat kopihtu ukup, tutang pihtu pa'an sumbu rih anairih kapihtu ukup rih.’’

PONGORINAH 11:7

Uli iro ohpah mborihta borihtan iro, ohcin ijo bolua tahkan lowun popahtoi ahkan molawan iro.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.

PONGORINAH 20:1

Uliorih rih ahku nohto ihcobehti molehkat nosuluh tahkan soruga. Ang longoioh, io nambit kuhci lowun popahtoi tutang ihcokoliting rataipasung ijo hajo.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.

PONGORINAH 6:13

Potion-potion sokomedapboduruh tahkan langit nokuh ngosan tana, kolou bua sikun ijo nolahus boduruh tahkan da'aioh aang ohkot tonoruhkuh bain bahiu bolowut.

PONGORINAH 8:10

Uliorih molehkat kotolu mopos sorunaioh, mahka ihco kobawak potion ijo hajo, ijo honyala kolou sohowan, nyahtu tahkan langit, turus nopahas sepertolu tahkan sungoi-sungoi tutang kombuhak-kombuhak danum.

PONGORINAH 8:12

Turus molehkat koohpat mopos sorunaioh. Mahka bokiwak sepertolu tahkan mahtanondou, sepertolu tahkan potion-potion, nyiring dilap sepertolu tahkan koba'as koloang iro. Ka'a sepertolu tahkan hondou eam boloang tutang kolourih ka'a sepertolu tahkan ngolumi.

PONGORINAH 8:2

Turus ahku nohto kopihtu molehkat ijo tombok ang toharep Pohotala, tutang ahkan iro tononga pihtu kobawak sorunai.

PONGORINAH 9:2

Mahka potion rih nguap lowun popahtoi rih, turus asop soluka tahkan luwangoh kolou asop tahkan dahpur hajo. Mahtanondou tutang angkasa monjadi pindong bain asep tahkan lobohurih.